Astanada XX jazǵy Azııa oıyndaryn qoldaý maqsatynda júgirý is-sharasy ótti
ASTANA. KAZINFORM – Astanadaǵy Ortalyq saıabaqta Japonııanyń Aıchı men Nagoıa qalalarynda ótetin XX jazǵy Azııa oıyndaryn qoldaý maqsatynda Fun Run júgirý is-sharasy ótti, dep jazdy elorda ákimdiginiń resmı saıty.
Іs-sharany Azııa Olımpıadalyq keńesi (AOK), Azııa oıyndarynyń uıymdastyrý komıteti (AINAGOC), Týrızm jáne sport mınıstrligi, Astana qalasynyń Dene shynyqtyrý jáne sport basqarmasy uıymdastyrdy.
Fun Run júgirisi Azıada-2026 uıymdastyrý komıtetiniń promo-naýqanyna kiredi jáne «Birtutas Azııany elestet» uranymen ótkiziledi.
Іs-sharaǵa Azıada-2026 uıymdastyrý komıtetiniń bas dırektory mindetin atqarýshy ıAsýhıro Nakamorı, Azııa Olımpıadalyq keńesiniń ulttyq olımpıadalyq komıtettermen baılanys jáne damý baǵdarlamalary jónindegi dırektory Vıssam Trkmanı, Qazaqstan Ulttyq Olımpıadalyq komıtetiniń Bas dırektory Nurlan Nógerbek jáne QR Týrızm jáne sport mınıstrliginiń Sport jáne dene shynyqtyrý isteri komıteti tóraǵasynyń orynbasary Nurlan Esembaev, London Olımpıadasynyń chempıony Olga Rypakova qatysty.
– 2-3 qyrkúıek kúnderi elordada Olympic Solidarity baǵdarlamasy aıasynda Azııa Olımpıadalyq keńesiniń VI Qurlyqtyq sportshylar forýmy ótip jatyr. Forýmda Azııanyń 42 ulttyq olımpıadalyq komıtetiniń ókilderi bas qosty. Sol is-sharanyń aıasynda Fun Run sımvoldyq júgirisi uıymdastyrylyp jatyr. Barlyq jınalǵan qatysýshylarǵa keremet emotsııa alýlaryńyzǵa tilektespin, - dedi Týrızm jáne sport mınıstrliginiń Sport jáne dene shynyqtyrý isteri komıteti tóraǵasynyń orynbasary Nurlan Esembaev.
1 shaqyrymdaı qashyqtyqtaǵy júgiriske barlyq jas sanatyndaǵy 100-den astam áýesqoı sportshylar qatysty. Júgiristiń sońynda qatysýshylar arnaıy estelik medal jáne sertıfıkattarmen marapattaldy.
Aıta keteıik, 2026 jyldyń 19 qyrkúıek pen 4 qazan aralyǵyna josparlanǵan Azıada-2026 baǵdarlamasyna 41 sport túri engen. Jalpy 68 baǵdarlama boıynsha 460 júlde jıyntyǵy sarapqa salynady. Júldeniń 217-si erler, 204-i áıelder, 39-y aralas sanattarda úlestiriledi.
Astanada donorlyqty qoldaýǵa arnalǵan júgirý-festıvali ótken bolatyn.