Astanada xokkeı tarıxyna arnalǵan zal ashyldy
ASTANA. QazAqparat - Astanadaǵy "Barys-Arena" sport kesheninde xokkeı tarıxyna arnalǵan zal ashyldy. Sharaǵa Kanadanyń Qazaqstandaǵy Tótenshe jáne Ókiletti Elshisi Shon Perrı Staıl men QR Premer-Mınıstriniń birinshi orynbasary Asqar Mamın qatysty, dep habarlaıdy QazAqparat tilshisi Qazaqstannyń xokkeı federatsııasyna silteme jasap.
Búgingi shara birneshe ataýly datanyń aıasynda ótip otyr. Birinshiden, bıyl Qazaqstan xokkeıine 60 jyl toldy. Budan bólek, Qazaqstan men Kanada arasyndaǵy dıplomatııalyq baılanystarǵa - 25 jyl, al Kanadanyń ózi 150 jyldyq mereıtoıyn atap ótip jatyr. Osyǵan oraı, "Barys-Arenada" Kanadanyń xokkeı kúni de uıymdastyryldy.
Al xokkeı tarıxyna arnalǵan zalda eksklıýzıvti kórme ashyldy. Onda Toronto qalasynan jetkizilgen eksponattar, tipti 1987 jylǵy Kanadanyń Kýbogy da bar.
Shara aıasynda Ken Draıden (Ken Dryden), Igor Larıonov, Braıan Propp (Brian Propp), Semmı Djo Smol (Sami Jo Small), Bıllı Brıdjes (Billy Bridges), Sergeı Nemchınov jáne taǵy basqa tanymal xokkeıshilermen foto men avtograf sessııa uıymdastyryldy. Budan bólek, ol jerde kanadalyqtardyń dástúrli quımaqtarynan dám tatýǵa bolady. Kanadanyń "The Sheepdogs" toby da óner kórsetedi.
Sondaı-aq Qazaqstan men Kanada komandalary arasynda xokkeı matchy uıymdastyrylady.
