Astanada XI halyqaralyq «HHІ ǵasyrdaǵy bilim jáne ǵylym» kórmesi ótedi
ASTANA. 13 qarasha. QazAqparat - 20-22 qarashada Astanada XI halyqaralyq «XXI ǵasyrdaǵy bilim jáne ǵylym» kórmesi ótedi, onda atalǵan saladaǵy jetistikter usynylady. Bul týraly elordanyń resmı saıty habarlady.
Kórme mektepke deıingi, orta, orta arnaıy, joǵary jáne qosymsha kásibı bilim, ǵylymı-zertteý ınstıtýttary men uıymdary, shetelde bilim alý, sheteldegi jeke menshikti mektep-pansıondar, sheteldik JOO-larda oqýǵa stıpendııalar men granttar týraly aqparat, halyqaralyq emtıhandarǵa (TOEFL, IELTS, GMAT, GRE) daıyndalý, shetelde synaq isinen ótý sekildi bólimder qamtylady. Munymen qosa onda shet tilderi, bilimdegi aqparattyq tehnologııalar, buqaralyq jáne elektrondy kitaphanalar, oqý oryndaryna arnalǵan jıhaz, keńse taýarlary, sondaı-aq múmkindigi shekteýli balalarǵa arnalǵan arnaıy qondyrǵylar men jıhaz syndy negizgi bólimder boıynsha ótedi.
Іs-sharanyń basty mindeti men maqsaty - elimizdiń ekonomıkalyq jáne áleýmettik ósýi úshin qajetti mamandyqtar men kásipterdi nasıhattaý, bilim jáne ǵylym salasynda memleketaralyq yntymaqtastyqty keńeıtý bolyp tabylady. Eske sala keteıik, buǵan deıingi kórmege Qazaqstan, Reseı Federatsııasy, Vengrııa, Germanııa, Qytaı, Malaızııa, Sıngapýr, Koreıa Respýblıkasy, Túrkııa, Chehııa, Shveıtsarııa elderiniń bilim jáne ǵylym salasyndaǵy 70 astam jetekshi uıymy men mekemesi qatysty.
