Astanada www.bolashak.kz portalynyń tusaýkeseri ótti
dep habarlaıdy QazAqparat tilshisi.
«Bir jyl buryn bizdiń qaýymdastyq jańa saıt shyǵarý jóninde sheshim qabyldaǵan bolatyn. Saıt buǵan deıin synaq rejıminde jumys istep, shyn mánisinde bir aı buryn iske qosyldy. Sońǵy málimetter boıynsha, reseılik ınternet aıasyndaǵy bilim-ǵylym salasynda shamamen 2 myńdaı saıt reıtıngke túsken. Al bizdiń saıt solardyń arasynda 170-shi orynda tur. Saıt - shetelde oqıtyn, Qazaqstannyń ártúrli aımaqtarynda turatyn jastardyń bir-birimen tildesý quraly», - dedi «Bolashaq» qaýymdastyǵy keńesiniń tóraǵasy Baýyrjan Báıbek.
B.Báıbektiń aıtýynsha, «Bolashaq» baǵdarlamasy boıynsha bilim alyp, bıyl elimizge 800 adam oraldy. «Olardyń birazy memlekettik qyzmetke keletin bolsa, birazy ulttyq kompanııalarda qyzmet etpek. Qazir qaýymdastyqtyń 300-den astam múshesi bar. Al saıtynyń 163, forýmynyń 129 turaqty paıdalanýshysy tirkelgen. Baǵdarlamanyń mártebesi Elbasynyń ǵana emes, bolashaqtyqtardyń ózderiniń naqty is-áreketiniń arqasynda kóterilýde. Bizdiń mindetimiz - bolashaqtyqtardyń nemese, osy baǵdarlamanyń atyn shyǵarý emes, túrli salalarda naqty is-áreket etý bolyp tabylady», - dedi ol.
