Astanada WorldSkills Kazakhstan ulttyq týrnıri bastaldy
ASTANA. QazAqparat - Astanada WorldSkills Kazakhstan ulttyq týrnıri bastaldy, dep jazady elorda ákimdiginiń resmı saıty.
QR tehnıkalyq jáne kásibı bilim berý kolledjderiniń stýdentteri ulttyq chempıonat birinshiligine qatysý joldamasyn sarapqa saldy. Chempıonat jeńimpazdary 2015 jyldyń tamyz aıynda Qazaqstan quramasy halyqaralyq deńgeıde San-Paýlý (Brazılııa) qalasynda álemniń 72 memleketiniń myńdaǵan qatysýshylarynyń arasynda el namysyn qorǵaıtyn bolady.
Chempıonatqa memlekettiń 15 aýmaǵynan tehnıkalyq mamandyqtar boıynsha 70 stýdent qatysty. Qatysýshylar shashataraz jáne meıramhanalyq is, aqparattyq tehnologııalar, sylaqshy jáne gıpsokarton, kirpish qalaý, dánekerleý, tokarlyq jumystary boıynsha bilimderimen saıysqa tústi. Baıqaý qatysýshylaryn oqý oryndarynyń arnaıy pánder boıynsha oqytýshylary, óndiris mamandary, óndiristik oqytý sheberleri ekspert retinde baǵalady.
WorldSkills baıqaýynyń maqsaty men mindeti - jumysshy mamandaryn, oqytý úrdisindegi tehnologııalardy jaqsartý, kásibı jumysshylardyń bedelin kóterý jáne nasıhattaý bolyp tabylady.
Shashtaraz óneri boıynsha baıqaýǵa óńirlerden 11 adam qatysty. Qatysýshylar óz ıdeıalary men sheberlikterin shash úlgisi arqyly shekteýli ýaqyttyń ishinde sarapshylar men qazylar alqasy músheleriniń aldynda kórsete bilý qajet boldy.
