Astanada WiFi jelisin qurýda ınnovatsııalyq bıllıng júıesi qoldanylýda

ASTANA. 23 maýsym. QazAqparat - Astanada bıznes-ınkýbatsııalaý baǵdarlamasynyń aıasynda bıllıng júıesine negizdelgen WiFi jelisin jasaý jobasy qolǵa alyndy.

Innovatsııalyq tehnologııa qala turǵyndaryna qoǵamdyq oryndarda tegin Internetti paıdalanýǵa múmkindik beredi. Bul týraly pm.kz saıty jazady

«OpenWiFi» jobasy qoǵamdyq oryndarda symsyz WiFi tehnologııasynyń kómegimen Internetke qosylýǵa múmkindik beretin qalalyq jeli qurýǵa baǵyttalǵan. Bul joba qala turǵyndary men qonaqtaryn zamanaýı qyzmettermen qamtamasyz etedi», - dep atap kórsetti joba jetekshisi Qaırat Ahmetov rm.kz saıtyna bergen suhbatynda.

«OpenWiFi» ulttyq jelisi Astana turǵyndary kóp jınalatyn qoǵamdyq oryndardy qamtıtyn bolady. Internetke qosylýdyń tegin, arna jyldamdyǵy turaqty bolatynyn aıta ketý kerek.

Munyń barlyǵy jeli jumysyn jáne oǵan túsetin júktemeni baqylaıtyn ınnovatsııalyq bıllıng júıesiniń arqasynda múmkin bolyp otyr.

«Bıllıng degenimiz - WiFi jelisin basqaratyn, tutynýshylardyń barlyǵyna 256 Kbıt/sek jyldamdyqpen Internetke teńdeı qosylý múmkindigin beretin platforma», -deıdi Q.Ahmetov.

Joba jetekshisiniń aıtýynsha, qazirgi tańda Astanada «OpenWiFi» tegin jelisimen jaraqtalǵan 9 qoǵamdyq oryn bar jáne keleshekte olardyń sany kóbeımek. Onyń ústine, bul jelimen Qazaqstannyń basqa qalalaryn da  qamtý josparlanýda.

Tehnologııalyq bıznes-ınkýbatsııa baǵdarlamasyn QR Indýstrııa jáne jańa tehnologııalar mınıstrligi 2010 jyly iske asyra bastady. Indýstrııalyq-ınnovatsııalyq qyzmetti memlekettik qoldaý tetikteriniń biri bolyp tabylatyn baǵdarlamanyń operatory - «Tehnologııalyq damý jónindegi ulttyq agenttik» AQ.

2011 jyly baǵdarlamaǵa qatysýǵa 209 ótinish berilip, sonyń ishinde tehnologııalyq bıznes ınkýbatsııa úshin 40 joba irikteldi. Astana qalasynyń atynan berilgen jobalardyń qatarynda «The One Capital» JShS-niń«Open WiFi» jobasy bar.