Astanada «Volshebnaıa noch» balalar mıýzıkliniń premerasy ótti
ASTANA. 13 qańtar. QazAqparat - «Volshebnaıa noch» balalar mıýzıkliniń premerasy eski Jańa jyl qarsańynda elordalyq M.Ótemisov atyndaǵy oqýshylar saraıynda ótti.
Mıýzıkl Elena Naýmova men Zoıa Babkınanyń jetekshiligindegi «Erekshe» qoǵamdyq qorynyń uıytqy bolýymen qoıyldy. Uıymdastyrýshylar CamerTon vokaldyq stýdııasy men «Edelveıs» bı ansamblinen 70 kishkentaı ártisti shaqyrdy. Qatysýshylarǵa arnalǵan kostıýmderdi «Modnıtsa» tigin kásiporny ázirledi.
Oqıǵa jelisi Aıaz atanyń kelýin kútip júrgen qyzdyń aıandary tóńireginde órbıdi. Onyń túsine ertegi keıipkerleri: Winx qyzdar, sý perileri, Masha, aıý jáne taǵy basqalary kiredi. Keıipkerler kimdi qattyraq unatatyny jaıly daýlasady. Mıýzıkl ártisteri jaqsy óner kórsetip, zor qoshemetke ıe boldy. Jańa jyldyq án barlyǵyn biriktirdi.
Uıymdastyrýshylardyń sózine qaraǵanda, jobanyń basty maqsaty - daryndy balalardy qoldaý men qazaqstandyq ónerdegi mıýzıkl janryn damytý.
«Kazahstan Izolıatsııa» JShS, «Askona»JShS, «Daıal» JShS, «Rostekstıl»JShS, «Ýnıversal Tsentr» agenttigi, «Modnıtsa» tigin kásiporny kómek kórsetti.
«Erekshe» qoǵamdyq qory osy syndy sharalardy uıymdastyrý jumystaryn jalǵastyrmaq. Sondaı-aq balalar shyǵarmashylyǵyn qoldaýǵa nıetti ózge jandardy da seriktestikke shaqyrady.
