Astanada voleıboldan Joǵary lıgadaǵy áıelder komandalary arasynda el chempıonatynyń 3-týry ótedi

Buǵan deıingi týrlarda úzdik úshtikke Óskemenniń "Shyǵys-QorǵasynQurylys" (33 upaı), Almatynyń "Almaty-TsSKA" (29 upaı) jáne Temirtaýdyń "Spartak AMT" (25 upaı) komandalary engen bolatyn. Odan keıingi oryndardy Qostanaıdyń "Ivolga" (24), Oraldyń "Gratsııa- KZ" (23), Qaraǵandy oblysynyń "Qaraǵandy-2", (15), Astananyń "Astana-2" (14), Pavlodardyń "Qazhrom" (13), Shymkenttiń "Qazyǵurt" (4) jáne Almaty oblysynyń "Jetisý-2" (0) komandalary ornalasqan.

QR Voleıbol federatsııasy taratqan aqparatqa qaraǵanda, jalpy el chempıonatynyń alǵashqy aınalymynda - 5, al ekinshi aınalymynda - 3 týr ótedi. Eki aınalymnyń qorytyndysy boıynsha odan keıin úzdik shyqqan 6 komanda júldeli oryndardy, al ózgeleri 7-10 oryndardy sarapqa salatyn bolady. Upaı sanaý ıtalııandyq júıe boıynsha júredi. Qarsylasyn 3:0 jáne 3:1 esebimen utqandar -3 upaıǵa, 3:2 esebimen utqandar -2 upaıǵa, 2:3 esebimen jeńilgender - 1 upaıǵa ıe bolady. Al kezdesýdi 0:3, 1:3 esebimen aıaqtaǵandar birde-bir upaı ala almaıdy.