Astanada voleıboldan áýesqoı komandalar arasynda qalalyq chempıonat bastaldy
ASTANA. 11 naýryz. QazAqparat - 10 naýryzda «Jiger» sport klýbynyń uıymdastyrýymen voleıboldan Astana qalasynyń ashyq chempıonaty bastaldy.
Bul týraly Astana qalalyq týrızm, dene shynyqtyrý jáne sport basqarmasynan habarlady.
Basqarma málimetterine qaraǵanda, voleıboldan áýesqoı komandalar arasynda ótetin chempıonatqa memlekettik jáne sporttyq mekemelerdiń ókilderinen, sondaı-aq qarapaıym sportsúıer qaýymnan quralǵan barlyǵy 12 qurama qatysady. Oıyndar erejesi sheńber júıesi boıynsha qurylady. Mereke kúnderi qaladaǵy Polıtehnıkalyq kolledjdiń sport zalynda oıynnyń 3-kezeńi ótti. Onda Ultttyq qaýipsizdik komıtetiniń ókilderi Іshki ister mınıstrliginiń qyzmetkerlerin 3:0 esebimen tize búktirdi. Al Bas prokýratýra qyzmetkerlerinen qurylǵan komanda «Tselınograd» atty áýesqoı voleıbolshylar komandasymen kezdesip, «tselınogradtyqtar» prokýrorlardy 3:0 esebimen jeńdi. Sondaı-aq «Áskerı qurylys» komandasy «Ardager» tobymen básekege túsip, ardagerlikter «Áskerı qurylys» komandasyna 3:0 esebimen upaı jiberip, jeńilis tapty.
Endi 17 naýryz kúni «7-shi arnanyń» sport zalynda «Ulan» ulttyq gvardııasy men Parlamenttiń quramalary ózara baq synasady. Sondaı-aq onda L.Gýmılev atyndaǵy Eýrazııa ulttyq ýnıversıteti men «7-shi arna», «Órkendeý», «Vechernıaıa Astana», Astana qalalyq týrızm, dene shynyqtyrý jáne sport basqarmasy komandalarynyń oıyndaryn da tamashalýǵa bolady. Oıyndar saǵat 15:00-de bastalady.
