Astanada Vladımır Potanınniń Olımpıadalyq kollektsııasynyń kórmesi ashylady
ASTANA. KAZINFORM — 29 shildede halyqaralyq mýltısporttyq «Bolashaq oıyndary – 2026» týrnıriniń ashylý kúni Ulttyq mýzeıde alǵash ret «Afınadan Astanaǵa deıin. Vladımır Potanın kollektsııasyndaǵy Olımpıada jádigerleri» atty kórme óz jumysyn bastaıdy.
Ekspozıtsııa qazirgizamanda alǵashqy Olımpıada oıyndarynyń (Afına, 1896 jyl) 130 jyldyǵyna arnalyp uıymdastyrylyp otyr jáne fıdjıtal sport boıynsha halyqaralyq týrnırdiń mádenı baǵdarlamasynyń mańyzdy bóligine aınalady.
Reseı men Qazaqstannyń birlesken álemdik olımpıadalyq qozǵalystyń damýyna qosqan úlesine arnalǵan kórmede Vladımır Potanın kollektsııasynan alynǵan 141 túp nusqa jádiger usynylady. Olardyń qatarynda 1896 jylǵy Olımpıada oıyndarynan bastap berilgen marapat jáne estelik medaldar, olımpıadalyq alaýlar men dıplomdar bar. Sonymen qatar kórermender Qazaqstan Respýblıkasy Ulttyq mýzeıiniń qorlarynanalynǵan ataqty sportshylardyń jeke sporttyq jabdyqtaryn tamashalaı alady.
Kórmeniń jeke bir bólimi sporttyń jańa tarıhyna arnalady. Kúres kilemi stılinde bezendirilgen keńistikte Qazaqstannyń olımpıadalyq ańyzdary – Vladımır Smırnov, Bekzat Sattarhanov, Baqtııar Artaev, Serik Sápıev, Aleksandr Vınokýrov, Denıs Ten, Olga Rypakova, Gennadıı Golovkın jáne Eldos Smetovtiń ómiri men jetistikterine qatysty fotosýrettermen jádigerlerdi kóre alady.
Ekspozıtsııanyń tsıfrlyq bóligi «jandy taqtalardy» qamtıdy. Munda olımpıadalyq dıplomdardyń tsıfrlandyrylǵan nusqalarynda neırojelilik tehnologııalardyń kómegimen ejelgi grek qudaılary men sportshylardyń beıneleri «jandanady».
Vladımır Potanınniń Olımpıadalyq kollektsııasy buǵan deıin kóshpeli kórme formatynda Máskeý, Sochı jáne Beıjiń qalalarynda, sondaı-aq II Eýropa oıyndary kúnderi Mınskide, BRIKSoıyndary aıasynda Kazanda jáne Sankt-Peterbýrg halyqaralyq ekonomıkalyq forýmy kezinde Sankt-Peterbýrgte kópshilik nazaryna usynylǵan bolatyn.
Astanadaǵy kórme osy dástúrdi jalǵastyrady. «Olımpıadalyq teńdessiz dáreje gýmanızm, teńdik, yntymaqtastyq jáne búkil adamzattyń birligi ıdeıalarymen úndesedi», – dep atap ótti Vladımır Potanın. «Dúnıejúzilik olımpıadalyq muranyń bir bóligi bolyp sanalatyn tarıhı jádigerler shekaralarǵa qaramastan, barshajurtshylyqqa qoljetimdi bolýy tıis».
Kórmeniń «Bolashaqoıyndary – 2026» týrnıriniń bastalý kúnimen tuspa-tus ashylýy ótken men búginniń chempıondary ustanǵan sporttyq múddeler men olımpıadalyq qundylyqtardyń bolashaqtaǵy «tsıfrlyq»sportshylar býynyna jalǵasýyn bildiredi.
Aıta ketelik «Bolashaq oıyndary – 2026»: Astanaǵa 800-den astam qatysýshy keledi.
