Astanada vırýstyq gepatıtterdiń aldyn alý aılyǵynyń qorytyndysy shyǵaryldy
ASTANA. 16 tamyz. QazAqparat - Vırýstyq gepatıtterdiń aldyn alý aılyǵy aıasynda №4 qalalyq emhanada semınar bolyp ótti. Bul týraly astana.kz saıtyna qalalyq Densaýlyq saqtaý basqarmasynan habarlady.
Semınarda gepatıtterdiń aldyn alýdyń ózekti máseleleri, vırýstyq gepatıt markerleriniń ınterpretatsııasy, gepatologııalyq ortalyqtyń bastapqy medıtsınalyq-sanıtarlyq kómekpen baılanysy, daý-damaılardy sheshý joldary sóz boldy. Іs-sharaǵa qatysýshylar semınarda alǵan aqparatty odan ári halyqpen jumys isteý barysynda qoldanylatyn bolady.
Eske salaıyq, 28 shildeden bastap qalanyń barlyq medıtsına uıymdarynda vırýstyq gepatıtterdiń aldyn alý boıynsha aılyq ótkizildi. Іs-shara barysynda halyqpen semınarlar, lektsııalar, trenıngter ótkizildi, konsýltatsııalar berilip, aqparattyq materıaldar taratyldy. Barlyq qalalyq BMSK Ashyq esik kúnderin ótkizdi. Іs-sharalardy Astana qalasynyń Densaýlyq saqtaý basqarmasy, Salaýatty ómir saltyn qalyptastyrý ortalyǵy, № 4 qalalyq emhanasy jáne gepatologııalyq ortalyq uıymdastyrdy.
