Astanada vırýstyq gepatıtpen aýyrǵan 7500 naýqas emdeldi
«DDSU Qazaqstandy Ortalyq Azııa men TMD-da gepatıtke qarsy kúres baǵdarlamalaryn oryndaýda kóshbasshylardyń biri dep tanıdy. Elimizde vırýstyq gepatıtterdiń aldyn alý jumystary keshendi túrde júrgiziledi. Astana qalasynda 2023 jyldyń jartyjyldyǵynda sozylmaly vırýstyq gepatıtter, baýyr tsırrozy, baýyr transplantatsııasy em-sharalarynan ótken 7563 patsıent esepte tur. Onyń ishinde 2012-2022 jyldary baýyr tsırrozy, vırýstyq gepatıttiń sozylmaly túrleri jáne baýyr transplantatsııasynan keıingi naýqastar bar. 2012-2022 jyldar aralyǵynda Astanada S gepatıtimen aýyratyn 5 myńnan astam patsıent, eresekter men balalar emdelgen. V gepatıti bar 1 208 patsıent em-dommen qamtyldy, onyń ishinde 635 naýqas bıyl da emdeýdi jalǵastyrýda», - dedi Kúnsulý Shamsıvalıeva Astana Kommýnıkatsııalar qyzmetinde ótken baspasóz máslıhatynda.
Spıkerdiń aıtýynsha, qazirgi ýaqytta álemdegi kóptegen adamdar úshin S gepatıtine testileý jáne ony emdeý qoljetimdi bolmaı otyr. Sonyń saldarynan, V gepatıti bar adamdardyń 90%-y jáne S gepatıti bar adamdardyń 80%-y bul aýrýdy juqtyrǵanyn bilmeıdi, óıtkeni aýrý kóbinese sozylmaly túrde júredi.
Dúnıejúzilik densaýlyq saqtaý uıymynyń baǵalaý málimetinshe, álemde shamamen 354 mıllıon adam V jáne S vırýstyq gepatıtimen aýyrady, sonyń ishinde jyl saıyn 3 mln adam gepatıttiń osy túrine shaldyǵyp otyrady.
DDSU pikirinshe, densaýlyq saqtaý sektorynyń alǵa qoıǵan jahandyq strategııasy – vırýstyq gepatıtterdi joıý jáne densaýlyq saqtaý qyzmetterin jalpyǵa birdeı qoljetimdi etý. Bul strategııa eń keń taralǵan gepatıttyq vırýstarmen (A, B, C, D, E) sondaı-aq, qoǵam qaýipsizdigi úshin asa mańyzdy V jáne S gepatıtiniń sozylmaly túrlerimen kúresýge baǵyttalǵan. V jáne S gepatıtteriniń sozylmaly túrleri emdelmese – tsırroz ben baýyr qaterli isiginiń damýyna ákeledi.
Spıkerdiń aıtýynsha, A, E ishek gepatıtteriniń aldyn alý úshin jeke gıgıena erejelerin saqtaý, salaýatty ómir saltyn ustaný, sapaly aýyz sý men tamaq ónimderin tutyný, eldi mekenderdiń tazalyǵy men abattandyrylýy, sondaı-aq halyqtyń sanıtarlyq saýattylyǵyn qamtamasyz etý mańyzdy.
Al V jáne S gepatıti vırýstarynyń aldyn alý úshin jeke gıgıena erejelerin saqtaý, medıtsına qyzmetkerleri tarapynan qoldanylatyn aspaptar men quraldardyń dezınfektsııalaýyn qatań baqylaý, ınektsııalyq esirtki men jynystyq qatynastan bas tartý qajet.
