Astanada VІІ Qysqy Azııa oıyndary Alaý estafetasynyń fakeli, medaldary men gúl shoqtarynyń tanystyrylymy ótip jatyr

Azıadaǵa deıin 100 kún qalǵanda oıyndardyń ajyramas atrıbýttaryn kópshilikke tanystyrý, oıyndarǵa daıyndyq barysy men jetken jetistikterdi pash etý - olımpıada oıyndarynyń dástúri bolyp tabylady.

Alaý qutysynyń dızaıny bizdiń jyl sanaýymyzǵa deıingi ІІІ-І ǵasyrǵa jatatyn saqtardyń jaryqtandyrǵysh quraly negizinde jasalǵan. Ony aınala Azıada sımvoly bolyp tabylatyn - qanatty barstardyń músinderi bederlengen.

«Bizdiń fakel Halyqaralyq Olımpıada qozǵalysynda bolǵan alaý qutylarynan qatty erekshelenedi. Sońǵy Azııa oıyndarynda alaý qutysyn ázirleýshiler men óndirýshiler onyń dızaıny arqyly zamanaýı tehnologııalardy kórsetkisi keldi. Biz bolsaq Qazaqstannyń asa baı tarıhyn, dástúri men mádenıetin kórsetpekpiz. Bir mezgilde alaý qutysy tehnologııalyq jaǵynan da utymdy jasalǵan. Onyń janýyna 40 gradýsty aıazdar, nóserli jańbyrlar men 20 m/s-tan asatyn jelder kedergi bolmaıdy», - dedi 2011 jylǵy VII qysqy Azııa oıyndary Alaý estafetasy dırektsııasynyń basshysy Naıl Nurov.

Alaý qutysynyń ishine ornatylǵan gaz ballony 40 mınýtqa deıin úzdiksiz janyp turýǵa jetedi.

N.Nurov atap kórsetkendeı, VІІ Qysqy Azııa oıyndary Alaý estafetasy úshin barlyǵy 100 alaý qutysy ázirlendi. Olardy jasap shyǵarýmen qytaılyq kompanııa aınalysty. Onyń bireýiniń baǵasy 1 myńǵa jýyq AQSh dollaryn quraıdy. Sol sebepti alaý qutysyn árbir alaýgerge estelikke qaldyrý múmkin bolmaıdy. Tek, estafeta ótetin ár óńirge bir-bir alaý qutysynan syıǵa tartylatyn bolady.

Al Azııa oıyndarynyń jeńimpazdaryna tabys etiletin gúl shoqtary Ońtústik Qazaqstanda ósetin qyzǵaldaq gúlderinen jasalatyn bolady. Dástúr boıynsha jeńimpaz gúl shoqtaryn kórermen zalyna laqtyrýǵa tıis bolǵandyqtan, olardy daıyndaý kezinde qaýipsizdikke barynsha nazar aýdarylý tıis. Búgingi kesh barysynda gúl shoqtardyń úlgi nusqasy sol dástúrmen zalǵa laqtyrylyp, ony qaǵyp alǵan adam VІІ Qysqy Azııa oıyndarynyń ashylý saltanatyna qurmetti qonaq retinde qatysý múmkindigine ıe bolady.

VІІ Qysqy Azııa oıyndary barysynda 69 medal sarapqa salynatyny belgili. Medaldar Qazaqstannyń moneta saraıynda jasap shyǵaryldy. Olarda oıyndardyń logotıpi beınelengen, al jibek asqyshynda ulttyq naqyshtar sýrettelgen.