Astanada VI Halyqaralyq náziktik fleshmoby ótedi

ASTANA. QazAqparat - Búgin keshke (19.00) astanalyqtar tamasha sharanyń kýási bolmaq. Astana qalasynyń arýlary ádemi kóılekterin kıip, qoldaryna gúl shoqtaryn ustap, bir ýaqytta astanalyq ákimdik aldyndaǵy qalalyq alańǵa shyǵady. Ásem shara keıin qala kóshelerindegi sherýge ulasady. Bul týraly astana.kz saıtyna shara uıymdastyrýshylary málimdedi.

Atalmysh fleshmob jyl saıyn ótkiziledi jáne ol búkil álemde qanatyn keńge jaıǵan. Aıtalyq, byltyr atalmysh shara 5000 áıeldiń qatysýymen 20 elde atalyp ótken.

Bıyl uıymdastyrýshylar osynaý biregeı sharaǵa qala arýlaryn qatysýǵa shaqyrady. Sharanyń maqsaty álemdi meıirimdilikke shaqyrý, ár turǵynǵa tamasha kóńil-kúı syılaý jáne ult maqtanyshy - arýlarǵa tán náziktikti pash etý.