Astanada veterınarlyq anyqtamasyz et ótkizgender qatań jazalanatyn bolady
ASTANA. QazAqparat - Astana qalasy ákiminiń orynbasary A. Lýkınniń tóraǵalyǵymen qala aýmaǵyndaǵy veterınarııalyq-sanıtarııalyq qaýipsizdikti qamtamasyz etý máseleleri boıynsha keńes ótti.
Kezdesýge saýda obektileriniń basshylary, mal soıý pýnkteriniń, veterınarııalyq-sanıtarııalyq saraptama zerthanalarynyń dırektorlary qatysty, dep habarlaıdy ákimdiktiń baspasóz qyzmetinen.
Keńes barysynda el aýmaǵynda qalyptasqan jalpy epızootologııalyq ahýal sóz boldy.
Іshki saýda obektilerine mal sharýashylyǵy ónimderin saýda obektisinen tys satpaý jáne veterınarııalyq erejelerdi qatań saqtaý tapsyryldy.
Aıta keteıik, elordadaǵy 14 bazardyń árqaısysynda mal sharýashylyǵy ónimderine saraptama júrgizetin veterınarııalyq zerthana jumys isteıdi.
Sondaı-aq, saýda oryndarynda, mamandandyrylǵan oryndarda (et dúkeni, sýpermarketterdegi et bólimderi, mınımarketteri, qoǵamdyq tamaqtandyrý oryndary) veterınarııalyq-sanıtarııalyq talaptardy saqtaý boıynsha monıtorıng júrgizilmek.
Sonymen qatar, Jergilikti polıtsııa qyzmetkerleri beketterde baqylaýdy kúsheıtedi jáne qajet bolǵan jaǵdaıda, veterınarııalyq baqylaý qyzmetkerlerimen birlesip tártip buzýshylarǵa qatysty qatań sharalar qoldanatyn bolady.
Bul jaǵdaı memlekettik organdardyń júıeli baqylaýyna alyndy.
