Astanada veterınarııalyq talapqa saı kelmeıtin et satatyn júzden astam saýda núktesi bar
ASTANA. KAZINFORM – Elordalyq prokýratýra veterınarııalyq zańnamanyń saqtalýyna tekserýler júrgizdi. Nátıjesinde birqatar zań buzýshylyqtar anyqtaldy.
Naqtyraq aıtar bolsaq, esh baqylaýsyz et ótkizetin sýbektilerdiń jumys isteıtini anyqtalǵan. Etti talapqa saı tasymaldamaý, qaýipti juqpaly aýrýlar boıynsha josparly veterınarııalyq is-sharalardy oryndamaý, sondaı-aq ishki saýda obektilerinde ornalasqan veterınarııalyq zerthanalardyń ózinde zań buzýshylyqtar bary belgili boldy.
«Qala boıynsha veterınarııalyq-sanıtarııalyq baqylaýdan ótpegen mal sharýashylyǵy ónimderin satatyn júzden astam baqylanbaıtyn sýbektiler jumys isteıdi», - delingen habarlamada.
Barlyq zerthanalarda veterınarııalyq-sanıtarııalyq jaǵdaıdyń saqtalmaıtyny anyqtalǵan. Tipti keıbir zerthanalar veterınarııalyq-sanıtarııalyq qorytyndysyz qyzmetin júzege asyryp otyrǵan.
Prokýrorlyq qadaǵalaý aktileri boıynsha kináli tulǵalar ákimshilik jaýapkershilikke, memlekettik kásiporynnyń laýazymdy tulǵasy tártiptik jaýapkershilikke tartyldy.
