Astanada vengr jazýshysynyń «Tot, maıor jáne basqalar» komedııasynyń premerasy ótedi
ASTANA. 15 naýryz. QazAqparat - Búgin M.Gorkıı atyndaǵy akademııalyq orys drama teatrynda áıgili vengr jazýshysy ári vengr teatrynyń negizin qalaǵan Ishtvan Erkenniń «Tot, maıor jáne basqalar» nemese «Tottar januıasy» komedııasynyń premerasy ótedi.
Astana qalasy resmı saıtynyń habarlaýynsha, qoıylym avtordyń 100 jyldyq mereıtoıyna arnalǵan. Jýyrda ǵana búkil Vengrııa bul ataýly kúndi keń aýqymda atap ótken bolatyn.
Qoıylymnyń elordadaǵy premerasy Vengrııanyń QR-daǵy elshiliginiń qoldaýymen Qazaqstan men Vengrııa arasyndaǵy mádenıetter dostastyǵy aıasynda sahnalanady.
Spektakldiń rejısseri Qyrǵyzstannyń halyq ártisi, QR Mádenıet qaıratkeri Sergeı Matveev, qoıýshy-sýretshi - QR Mádenıet qaıratkeri Qanat Maqsutov.
