Astanada velojoldar men jaǵajaı aımaǵy damytylady
ASTANA. QazAqparat - Astanada deneshynyqtyrý-saýyqtyrý baǵytyndaǵy velojol men jaǵajaı aımaǵyn damytýǵa arnalǵan serýendeý kestesi jasaldy.
Elordanyń ınfraqurylymyn damytýda ekologııalyq taza kólikterge arnalǵan turaqtar men velojol máselesi jıi kóteriledi. Qalada velosıped qulaǵyna otyratyndyqtar kún sanap artyp kele jatqandyqtan, olarǵa meılinshe jaǵdaı jasaý qajettigi týyndaýda. Osyǵan oraı, Saryarqa kópirinen Telman eldi mekenine deıingi aralyqta velojolmen serýendeý kestesi jasaldy. Onda jaǵajaı aımaǵyn damytý, velojoldy deneshynyqtyrý-saýyqtyrý retinde qarastyrý josparlanǵan. Bul týraly Astana qalasy ákimi apparatynyń baspasóz qyzmetinen habarlaıdy. «Onda biz kólikke arnalǵan avtoturaq, jalǵa berý núktesi, ShOB arnalǵan taýarlar men qyzmetterdiń barlyǵy qarastyrylady. Joldyń uzaqtyǵy 22 shaqyrymdy quraıdy. Onda jol sońǵy núktege deıin baryp-kelýge yńǵaılanyp tóseledi. Oǵan qosa, velojol 8 bólikke bólingen. Ár bólikke jospar qurylǵan. Aıtalyq, biri Ilınka eldi mekeninde salynady. Eski qalada velojoldy jaǵajaı mańynda tóseımiz. Alaıda ony qalada paıdalaný úshin normatıvterge ózgerister engizý qajet. Jalpy maqsat - adamdardyń nazaryn qoǵamdyq kólikke aýdarý. Ol úshin biz qazir BRT (arnaıy bólingen jolaqpen júretin jedel avtobýstar) máselesin qolǵa alýdamyz, odan ári jaıly jolmen kózdegen jerge jyldam jetýge baǵyttalǵan JRK (jeńilrelsti kólik), sý kóligi, ekotaksı, ekoavtobýstardy engizetin bolamyz», - deıdi Sáýlet jáne qala qurylysy basqarmasynyń basshysy Vıtalıı Sıletskıı.
