Astanada velojolaqtar áli tórt jyl salynady - ákimdik
ASTANA. QazAqparat - Astana qalalyq Sáýlet jáne qala qurylysy basqarmasynyń basshysy Baqtybaı Taıtalıev velojolaqtardy damytý jospary týraly aıtyp berdi, dep xabarlaıdy QazAqparat tilshisi.
«Biz velosıped ınfraqurylymyn damytýdyń bes jyldyq josparyn ázirledik. Osy oraıda álemdik tájirıbeni de jan-jaqty zerttep shyqtyq. Arnaıy nusqaýlyqty daıyndadyq. Jańadan qurylys normalary men erejelerin de jazyp shyqtyq. Sóıtip, barlyq jumystardy bes jylǵa josparlap qoıdyq», - dedi B.Taıtalıev Halyqaralyq sáýletshiler kongresinde.
Basqarma basshysynyń aıtýynsha, jospar úsh bólimnen turady. Birinshi bólimge sáıkes, mektep, balabaqsha, dúken jáne basqa da kúndelikti nysandarǵa deıin velojolaqtar tartylýy qajet. Odan keıin saıabaq sııaqty tynyǵý oryndaryna deıingi velojolaqtar bolýy shart. Al úshinshi bólim aıasynda týrıstik marshrýttar bolady. Ondaıda qalanyń barlyq aıshyqty jerlerin velojolaqtarmen júrip kórýge múmkindik jasalady.
«Jalpy, qala boıynsha 1 717 shaqyrym velojoldar salynatyn bolady. Bıyl 57 shaqyrym tóseldi. Qalǵany aldaǵy tórt jylda jasalady. Bunyń barlyǵy kólikterdi azaıtyp, qalanyń ekologııasyn aıtarlyqtaı jaqsartady degen senim bar», - dep atap kórsetti B.Taıtalıev.
