Astanada velojol ınfraqurylymyn damytý boıynsha joba júzege asady
ASTANA. QazAqparat - Búgin Astana qalasynyń ákimdigi ǵımaratynda QR Sport jáne dene shynyqtyrý isteri agenttigi, «Samuryq-Qazyna» ulttyq ál-aýqat qory» aktsıonerlik qoǵamy jáne Astana qalasynyń ákimdigi arasyndaǵy velojol ınfraqurylymyn damytý salasyndaǵy ózara áreket etý týraly memorandýmǵa qol qoıý rásimi ótti, dep habarlaıdy Astana qalasy ákimi apparatynyń baspasóz qyzmeti.
Kelisim sheńberinde elordada velosıpedterdi jalǵa berýdiń avtomattandyrylǵan pýnktteri júıesin qurý jáne damytý baǵytynda bilesken jumys júrgizilmek. Basty maqsat - avtokólik pen qoǵamdyq kóliktiń balamasyn usyný, qala turǵyndary men qonaqtary úshin táýlik boıy qoljetimdi bolatyn velokólikterdi qoldanýǵa múmkindik berý.
Joba «Samuryq-Qazyna» AQ qarjylyq qoldaýy arqasynda júzege asady. Jalpy velosıpedterdi jalǵa berý júıesi mynandaı negizgi artyqshylyqtarǵa ıe:
* Salaýatty ómir salty
1. Azamattardy sportpen aınalysýǵa úgitteıdi
* Qyzmettiń qoljetimdiligi
2. Kez kelgen adam velosıpedti ózine yńǵaıly ýaqytta alýǵa quqyly.
* Ekologııa
3. Qorshaǵan ortanyń lastaný deńgeıin azaıtady.
* Kólik qozǵalysy
4. Qaladaǵy kólik keptelisterin joıýǵa, qoǵamdyq kóliktiń damýyna,
avtoturaqtarda oryndardy bosatýǵa septigin tıgizedi.
Stansalar Astananyń halyq kóp jınalatyn jerlerinde ornalasady. Qyzmet aqysy eki bólikten quralady - abonement tólemi jáne jalǵa alýdyń aqysy. Abonementti jobanyń ǵalamtordaǵy betinde satyp alýǵa bolady. Munda, sonymen qatar, júıeniń jumysy, turaqtardyń orny men tarıfter týraly tolyq aqparat beriledi.
Memorandým bekitý atalmysh jobany iske asyrý jolyndaǵy alǵashqy ári mańyzdy qadamdardyń biri bolyp tabylady.
