Astanada velotrekten el chempıonaty bastaldy
ASTANA. KAZINFORM - Elordadaǵy «Saryarqa» velotrek kesheninde Qazaqstan Respýblıkasynyń qysqy chempıonaty bastaldy. Bul týraly Astana ákimdiginiń resmı saıty jazdy.
Chempıonatta erler, áıelder, jasóspirim uldar, jasóspirim qyzdar sprınt, keırın, toptyq jarys túrlerinen 10 júlde jıyntyǵyn sarapqa salady.
Velosport elimizde tanymal sporttyń biri sanalady. Jazǵy Olımpıada oıyndarynda Aleksandr Vınokýrov Sıdneıde kúmis júldeger bolsa, Londonda chempıon atanǵan bolatyn. Byltyr Hanchjoýdaǵy jazǵy Azııa oıyndarynda da jerlesterimiz jeńis tuǵyrynan kórindi.
«Mine, endi sizderdiń aralaryńyzda da bolashaq Olımpıada chempıondary bar dep senemin. Barlyqtaryńyzǵa sáttilik!», - degen Astana qalasy Dene shynyqtyrý jáne sport basqarmasy basshysynyń mindetin atqarýshy Erkeǵalı Korbozov jarys qatysýshylaryna sáttilik tiledi.
Baıraqty básekege Astana qalasy, Abaı oblysy, Almaty oblysy, Aqmola oblysy, BQO, Jambyl oblysy, Jetisý oblysy, Qaraǵandy oblysy, Qostanaı oblysy, Qyzylorda oblysy, Mańǵystaý oblysy, SQO, ShQO jáne kórshi Ózbekstan memleketinen 199 sportshy tirkeldi.
