Astanada Velotrekten álem kýboginiń birinshi kezeńiniń ashylýy boldy
TANA. 4 qarasha. QazAqparat /Rýslan Ǵabbasov/ - Búgin Astanadaǵy «Saryarqa» velotreginde Velotrekten álem kýboginiń birinshi kezeńiniń ashylýy boldy. Álemniń 43 elinen kelgen 312 sportshy Olımpıada oıyndarynyń joldamasy úshin saıysqa túsedi.
Jarystyń ashylý saltanatyna Halyqaralyq veloshabandozdar odaǵynyń (UCI) prezıdenti Pet Makkýeıd, Qazaqstan velosport federatsııasynyń prezıdenti Qaırat Kelimbetov, Týrızm jáne sport vıtse-mınıstri Murat Omarov qatysty.
.Aıta keteıik, Astanadaǵy jarys - bul Álem kýboginiń birinshi kezeńi, al ekinshi kezeń jeltoqsan aıynda Kolýmbııanyń Kalı qalasynda ótpek. Qańtar aıynda Kýboktik kezeńdi Pekın qarsy alsa, jarystar 2012 jyldyń aqpan aıynda Londonda aıaqtalady.
Álemdik vlosporttaǵy osy bir bedeldi jarystarǵa qatysý úshin Qazaqstanǵa 312 sportshy, 44 ulttyq qurama, 16 trektik komanda keldi.
Jarystarda 24 medaldar jıyntyǵy sarapqa salynbaq. Olar jeke jáne komandalyq sprınt, keırın, upaı boıynsha saıys, omnıým, juptyq medıson saıysy, skretch jáne jeke syn boıynsha saıystar bolyp bólinedi.
