Astanada velostantsııalar iske qosyla bastady
NUR-SULTAN. QazAqparat – Nur-Sultan qalasynda velostantsııalardy iske qosý jumystary jalǵasýda, dep habarlaıdy QazAqparat.
Elorda ákimdiginen málim etkendeı, búginde qaladaǵy 154 stantsııanyń 76-sy jumys istep tur. Barlyǵy 400 velosıped qoljetimdi.
Kelesi kóshelerde 14 velostantsııa jańadan ashylyp otyr: ⠀
- Respýblıka dańǵylynda - № № 88, 89, 93, 94, 95, 96, 97;
- Saryarqa dańǵylynda - № № 55, 56, 57, 63;
- S.Seıfýllın kóshesinde - № № 58, 59, 60.
Sáýir aıynyń sońyna deıin qaladaǵy barlyq 154 stantsııany iske qosý josparlanǵan. Jumys istep turǵan velostantsııalardy www.velobike.kz saıtynan kórýge bolady. Olar kók túspen boıalady. Abonementterdi satyp alý, velojaldaý boıynsha barlyq aqparat ta osy saıtta qoljetimdi.
