Astanada velosporttan iri halyqaralyq jarys ótti
ASTANA. QazAqparat – 19-22 mamyr aralyǵynda Astanada Silk Way series Astana I jáne II (CL2) trekterinde velosporttan halyqaralyq jarys ótti, dep habarlaıdy QazAqparat Ulttyq olımpıada komıtetine silteme jasap.
«Saryarqa» velotreginde ótken týrnırge Qazaqstan, Ózbekstan, Iran, BAÁ jáne Lıtva elderinen elıta sanatyndaǵy sportshylar qatysty.
Jarys Halyqaralyq velosıpedshiler odaǵynyń (UCI) kúntizbesine kiredi jáne sportshylarǵa álem chempıonatyna jáne sol jerden Olımpıadaǵa irikteý úshin qajetti upaı jınaýǵa múmkindik beredi.
Jarys qorytyndysy:
Jeke sprınt, erler
1-oryn – Andreı Chýgaı (Astana Track Team)
2-oryn – Dmıtrıı Rezanov (Astana Track Team)
3-oryn – Ramazan Muhtar
Jeke sprınt, áıelder
1-oryn – ıÝlııa Golýbkova (Astana Track Team)
2-oryn – Setare Zargar (ATZ Track Cycling Team)
3-oryn – Fateme Hadavand (ATZ Track Cycling Team)
Keırın, erler
1-oryn – Andreı Chýgaı (Astana Track Team)
2-oryn – Dmıtrıı Rezanov (Astana Track Team)
3-oryn – Laýrınas Vınskas (Lıtva ulttyq quramasy)
Keırın, áıelder
1-oryn – Fateme Hadavand (ATZ Track Cycling Team)
2-oryn – ıÝlııa Golýbkova (Astana Track Team)
3-oryn – Mede Nazarı (ATZ Track Cycling Team)
Omnıým, erler
1-oryn – Ilıa Qarabýtov (Astana Track Team)
2-oryn – Rýslan Elýbaev (Qazaqstan ulttyq quramasy)
3-oryn – Sergeı Karmajakov (Astana Track Team)
Omnıým, áıelder
1-oryn – Olıvııa Baleıshıte (Lıtva ulttyq quramasy)
2-oryn – Margarıta Mısýrına (Tashkent Track Team)
3-oryn – Angela Soloveva (Qazaqstan ulttyq quramasy).
Marapattaý rásimine Astana qalasy dene shynyqtyrý jáne sport basqarmasynyń basshysy Samat Jylqybaev, Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasarlary Aıgúl Bektenova men Bekbolat Baıjanov jáne «Teń múmkindikter álemi» QQ tárbıelenýshileri qatysty.
Jarys barysynda ortalyq tárbıelenýshilerine velosıpedshilerdi qalaı tanystyratyny týraly sýretter salý usynyldy.
Іs-shara sońynda balalar jeńimpazdarǵa óz sýretterin syıǵa tartty.
Esterińizge sala keteıik, buǵan deıin Silk WAY Series Astana 2018 jáne 2019 jyldary ótkizilgen bolatyn.
