Astanada velosporttan el chempıonaty ótip jatyr
ASTANA. 11 qyrkúıek. QazAqparat - Elordada velosporttan Qazaqstan chempıonaty ótip jatyr. Bul týraly astana.kz saıtyna qalalyq Týrızm, dene shynyqtyrý jáne sport basqarmasynan habarlady.
Bıyl chempıonatqa Qazaqstannyń barlyq óńirlerinen, sondaı-aq Astana jáne Almaty qalalarynan kelgen komandalar qatysýda. Dúbirli dodaǵa 100-den astam sportshy jınaldy. Sonyń ishinde 23 adam elordanyń namysyn qorǵaıdy.
Chempıonat «Saryarqa» respýblıkalyq velotreginde ótýde.
Jarys kún saıyn saǵat 15.00-de, al 14 qyrkúıekte baǵdarlama saǵat 10.00-da bastalady. Marapattaý rásimi jáne jarystyń jabylýy saǵat 13.00-de ótedi.
