Astanada velosporttan Azııa chempıonatynyń alǵashqy kúninde eki qurlyq rekordy ornatyldy
ASTANA. QazAqparat - Búgin «Saryarqa» respýblıkalyq velotreginde velosporttan Azııa chempıonatynyń saltanatty ashylýy bolyp ótti.
«Velosporttan Azııa chempıonatyn ótkizý elimizdegi velosporttyń damýyna jańa serpin beredi», - dedi QR Sport jáne dene shynyqtyrý isteri agenttiginiń tóraǵasy Tastanbek Esentaev. Jarystyń alǵashqy kúni jeke izge túsý jarysy (eresekter men jasóspirimder), komandalyq sprınt (barlyq jastaǵy erler arasynda) tártibi boıynsha kvalıfıkatsııalyq aınalymdardan bastaldy. Kúnniń ekinshi jartysynda gıttan erler men áıelder (jasóspirimder) arasyndaǵy aqtyq jarystar ótkizildi, dep habarlaıdy Qazaqstannyń Velosport federatsııasynyń baspasóz qyzmetinen. Sonymen qatar áıelder arasynda upaı boıynsha toptyq jarys, barlyq jastaǵy erler arasynda komandalyq sprınt, jasóspirim boıjetkender men eresek áıel sportshylar arasyndaǵy sprınt jáne skretch jarystarynyń aqtyq saıystary ótti. Astanadaǵy jasóspirim jáne eresek sportshylar arasyndaǵy velosporttan Azııa chempıonatynyń alǵashqy kúninde eki qurlyq rekordy ornatyldy. Rekordtyń ekeýi de jasóspirimder arasyndaǵy gıt saıysynda ornatyldy. Aldymen aqtyq aınalymda kontınettiń úzdigi ońtústikkoreıalyq Djýng Djıhı jeńimpaz atansa, artynsha malaızııalyq veloshabandoz Mohd Zonıs Mýhammad Fırdaýs jańa rekord ornatty. Ol 1 shaqyrymdy 1:03.962 sekýndta ótti. Osynyń aldyndaǵy koreıalyq sportshynyń rekordtyq ýaqyty 1:04.517 sekýndty quraǵan bolatyn.
«Osy jyly Qazaqstandaǵy velosport 100 jyldyǵyn atap ótýde. 1914 jyldyń 6 shildesinde Aqtóbede qarapaıym eńbek pániniń muǵalimi S. Zabırov qatysyp, jeńip shyqqan alǵashqy velojarys ótti. Bul gazet, murajaı, muraǵattarda tarıhı jazbalarmen rastalǵan. Sondyqtan qazaqstandyq velosıpedshiler men Qazaqstan azamattary Aqtóbedegi altyn medaldan Londondaǵy altyn medalǵa deıingi joldy úlken tarıh dep esepteýlerine bolady. Al qazaqstandyqtar muny maqtan etýlerine bolady», - dedi Qazaqstan Velosport federatsııasynyń vıtse-prezıdenti Qaırat Áıtekenov. Erteń, 23 mamyrda «Saryarqa» velotreginde erler arasyndaǵy upaı boıynsha toptyq jarystyń aqtyq kezeńi, erler arasyndaǵy 25 shaqyrymǵa júretin medıson ótkiziledi. Sonymen qatar qazaqstandyq jasóspirimder Roman Vasılenkov pen Ekaterına ıÝraıtıs altynǵa talasatyn, barlyq jastaǵy sportshylardyń arasynda ótetin jeke izge túsý jarysynyń aqtyq saıysy ótedi. Esterińizge sala keteıik, velosıped sportynan 34-shi Azııa chempıonaty jáne jasóspirimder arasyndaǵy velosıped sportynan 21-shi Azııa chempıonaty 2014 jyldyń 21 mamyrynan 01 maýsymyna deıin ótkiziledi. Jarystarda 30 elden kelgen 500-den astam sportshylar qatysýda. Trektegi saıystar (22-26 mamyr) Astanada ótse, tas joldaǵy jarystar (27 mamyr- 01 maýsym) Qaraǵandyda ótkiziledi.
