Astanada velosporttan ashyq chempıonat bastaldy
ASTANA. QazAqparat - Búgin Respýblıkalyq «Saryarqa» velotreginde velosporttan jasóspirimder, jastar, qyzdar men áıelder arasynda «Astana kýbogy» ashyq chempıonatynyń alǵashqy kúni ótti, dep habarlady qalalyq ákimdiktiń baspasóz qyzmetinen.
Uıymdastyrýshylardyń habarlaýynsha, jarysqa 2000 jylǵa deıin týǵan qyz-jigitter qatysady. Birinshi kúni toptyq jarysta 32 adam sheberlik baıqasty. Erteń jeke jarys ótedi, odan soń qýyp jarysý jarystary ótedi. 11 shildede, jarystyń qorytyndy kúni saltanatty marapattaý rásimi ótedi. Aıta keteıik, Astanada velosport buqaralyq sıpat alýda. Salaýatty ómir saltyn ustanýshylar elordalyq saıabaqtarda jáne shaǵyn baqtarda velosıpedterdi jalǵa ala alady. Budan bólek, elordada Astana Bike jobasy júzege asyrylýda. Joba aıasynda qalada 110 veloprokat beketin ornatý josparlanyp otyr. Jyl saıyn qalada kóliktiń ekologııalyq túrin nasıhattaý maqsatynda ótkiziletin velojarystar men marafondardyń sany artyp keledi.
