Astanada velosport maýsymy ashyldy
ASTANA. QazAqparat - Astana qalasynyń «Jol-kólik jelisi» velojoly aýmaǵynda velosport maýsymynyń (shosse) ashylýy ótti. Sporttyq sharany «Astana ormany» JShS Astana qalasynyń Dene shynyqtyrý jáne sport basqarmasymen, №6 olımpıadalyq rezervtegi mamandandyrylǵan balalar-jasóspirimder mektebimen birlesip uıymdastyrdy.
Sharanyń maqsaty velojoldar men velosportty damytý, ony elorda turǵyndarynyń, oqýshylardyń jáne jastardyń arasynda dáripteý, sondaı-aq, jas velosıpedshilerdiń sheberligin jetildirý, perspektıvti sportshylardy anyqtaý bolyp tabylady. Jarysqa 100 sportshy qatysty.
