Astanada velosıpedterdi jalǵa berý maýsymy aıaqtaldy
ASTANA. QazAqparat - 31 qazan kúni Astana qalasynda velosıpedterdi jalǵa berý maýsymy resmı túrde aıaqtaldy. Bul týraly «City Transportation Systems» kompanııasynan málim etti, dep habarlaıdy QazAqparat.
31 qazannan 1 qarashaǵa qaraǵan túni, saǵat 00:00-de «Astana Bike» avtomattandyrylǵan stantsııalardyń barlyǵy buǵattaldy. Abonementter búginnen bastap velosıpedterdi jaldaý qyzmetin paıdalana almaıdy. Alaıda, velokólikti jalǵa alyp qoıǵandar olardy ýaqyty ótken kezde stantsııaǵa qaı̆tara alady.
«Aıta keteıik», kelesi maýsymǵa abonenttik tólem saqtalmaı̆dy. Tek balans aýystyrylady. Qalaǵan jaǵdaıda balanstaǵy aqshany R. Qoshqarbaev dańǵyly, 50/1 mekenjaı̆yndaǵy ortalyq kassadan qaı̆taryp alýǵa bolady», - dep túsindirdi kompanııadan.
Eske salaıyq, elordada velosıpedterdi jalǵa berý maýsymy 15 sáýirde bastalǵan bolatyn.
Qala boıynsha barlyǵy 155 avtomattandyrylǵan stantsııa jumys istedi. Jalpy 1 myń velosıped jalǵa berildi.
