Astanada velosıped urlaıtyn bandylar toby ustaldy
ASTANA. QazAqparat - Elordalyq polıtsııa qyzmetkerleri velosıped urlaǵan bandylar tobyn ustady, dep habarlaıdy «QazAqparat» HAA tilshisi.
Astana qalalyq ІІD baspasóz qyzmeti habarlaǵandaı, qaskúnemder Abaı kóshesinde ornalasqan úıdiń kireberisindegi tros qulypty buzyp, «City nomad» markaly taýly-sport velosıpedin qoldy etken. Sonymen qatar, Saryarqa dańǵylyndaǵy baspaldaq alańshasynda «Magadaskar» markaly velosıped jáne Kúmisbekov kóshesindegi úıdiń alańynan sporttyq velosıped urlanǵan.
Elordalyq polıtsııa qyzmetkerleri 29 jáne 30 jastaǵy buryn sottalǵan eki er adamdy jáne 29 jastaǵy áıeldi ustady.
Qazirgi tańda ustalǵandardyń tórt velosıped urlaý faktisine qatysy bary dáleldenip, zattaı dáleldemeler alyndy. Olardyń osy sekildi basqa da qylmystarǵa qatysynyń bar-joǵy anyqtalyp jatyr.
Kúdiktiler Astana qalalyq ýaqytsha qamaý oqshaýlaǵyshyna qamaldy. Bul fakti Biregeı reestrde QR QK 188-baby 2-tarmaǵy boıynsha tirkeldi.
