Astanada velosıped beketteri ashyldy
ASTANA. QazAqparat - Astana qalasy, Baıqońyr aýdanynda sport kúnine oraılastyrylǵan birneshe velosporttyq beketter jáne keshendi abattandyrylǵan turǵyn úı aýlalary ashyldy, dep habarlaıdy QazAqparat tilshisi.
Elordanyń Baıqońyr aýdanyna qarasty A.Jubanov-A.Pýshkın kósheleri, A.Pýshkın-A.ıAnýshkevıch kósheleri jáne Kenesary-A.Jubanov kósheleri qıylystarynda jańadan velobeketter ornatyldy. Odan bólek A.Jubanov 4, Kenesary 52, Sh.Ýálıhanov 9, J.Táshenov 12 kóshelerindegi aýlalar abattandyryldy.
«Velobeketter halyq arasynda salaýatty ómir saltyn nasıhattaý men velosportty keńinen damytý baǵyttaryndaǵy jumystardyń nátıjesi. Atalǵan nysandar «Samuryq-Qazyna» áleýmettik ulttyq qorymen birlesken jobanyń aıasynda iske asyrylýda. Halyqtyń pikirin tyńdaı kele qolaıly degen jerlerge ornalastyryldy. Alda taǵy osyndaı eki nysandy ashý josparda tur. Budan bólek aýdan boıynsha jyl sońyna deıin 73 turǵyn úı alaby abattandyrylyp bitýi tıis, biz búgin sonyń 4-niń tusaýyn kestik. Bul jerde shaǵyn alań ǵana emes, tolyq keshendi túrde qamtylǵan aýla, onyń ishinde fýtbol alańdary, «Street Workout» qurylǵysy, balalarǵa arnalǵan oıyn alańdary jáne úlken kisilerdiń sportpen shuǵyldanýyna arnalǵan jattyǵý qurylǵylary bar», - dedi Astana qalasy Baıqońyr aýdanynyń ákimi Erlan Kanalımov.
Sonymen qatar, aýdan ákimi Elordanyń 20 jyldyǵyna oraı Polsha memleketi tartý etken A.ıAnýshkevıch-Kenesary kósheleriniń qıylysynda jańa sáýlettik ınstallıatsııanyń bolatynyn jáne ashylýy qyrkúıek aıyna josparlanǵanyn tilge tıek etti.
