Astanada veloprokat boıynsha 155 stantsııa iske qosyldy
NUR-SULTAN. QazAqparat – Búgin Nur-Sultan qalasynda «Astana Bike» avtomattandyrylǵan veloprokat júıesi iske qosyldy, dep habarlaıdy QazAqparat City Transportation Systems kompanııasyna silteme jasap.
Barlyǵy 155 velostantsııada 1 myńnan astam velosıped ornalastyrylǵan.
Velosherıng qyzmetin paıdalaný úshin www.velobike.kz saıtynda onlaın tirkeýden ótip, abonement satyp alý qajet. Abonementti sondaı-aq City Transportation Systems kompanııasynyń kassalarynan alýǵa bolady. Eki dóńgelekti kólikti jalǵa berý júıesi 24/7 rejıminde qoljetimdi.
Veloprokatqa tarıfter ótken jylǵy baǵamen qaldy:
Standartty abonementter:
- aılyq abonement – 2 500 teńge;
- toqsandyq abonement – 6 000 teńge;
- maýsymdyq abonement – 10 000 teńge.
Jeńildikti abonementter:
- toqsandyq abonement – 3 000 teńge;
- maýsymdyq abonement – 5 000 teńge.
Velosıpedti 30 mınýtqa deıin tegin paıdalanýǵa bolady. Osy ýaqyttan asqannan keıin jol júrý quny jalǵa alý ýaqytyna qaraı tólem bóligin esepke ala otyryp esepteledi:
– 0-den 30 mınýtqa deıin – abonement qunyna qosylǵan;
– 31-den 60 mınýtqa deıin – 100 teńge;
- 61-den 120 mınýtqa deıin – 250 teńge;
- 121-den 180 mınýtqa deıin – 500 teńge;
- 181 mınýttan bastap jáne árbir kelesi saǵat – 1 000 teńge.
Táýliktik abonementter:
- 1 táýliktik abonement – 3 500 teńge;
- 3 táýliktik abonement – 9 000 teńge;
- 7 táýliktik abonement – 17 500 teńge.
Veloprokat servısi boıynsha konsýltatsııa alý úshin Nur-Sultan qalasy boıynsha biryńǵaı baılanys ortalyǵyna (iKOMEK-109) qońyraý shalyp nemese CTS kompanııasynyń Instagram @cts_kz jáne Facebook @CityTransportationSystems áleýmettik jelisindegi resmı paraqshasyna jazýǵa bolady.
