Astanada vedomstvoaralyq komıssııanyń kezekti otyrysy ótti
«ASSM-01» JShS nysany boıynsha kompanııanyń bas dırektory «Aq Erke-2» jáne «Altyn bulaq» TK qurylysyn jalǵastyrý úshin qytaılyq ınvestorlardan transhtyń túskenin habarlady. Onyń aıtýynsha, «Altyn bulaq» TK qurylysy 2017 jyldyń ІІ toqsanynda, «Medına» TK ústimizdegi jyldyń 1 qazanyna deıin, «Korgaljınskıı kvartal» ú.j. 1 jeltoqsanyna deıin, «Aq Erke-2» ú.j. 30 qazanyna deıin aıaqtalady.
Quryltaıshynyń ýaqytyly qarjylandyrmaýynyń saldarynan «Obereg» JShS tıesili «Obereg» TK qurylysy baıaý júrgizilip jatyr. Jobalaýshy kompanııanyń málimetinshe, 1 qyrkúıekke deıin ınjenerlik jeliler boıynsha joba «Memlekettik saraptama» RMK qaraýyna usynylady.
«Arabı-1», Arabı-2» TK, «Samal» («Kvartıry NS» JShS) qatysty komıssııanyń kómegimen jańa salýshy-ınvestor anyqtaldy, ol esepteýler júrgizip, barlyq nysandardyń qurylysyn aıaqtaýǵa, osylaısha, aldanǵan úleskerlerdi baspanamen qamtamasyz etýge daıyn.
«Arabı-1» turǵyn úı kesheni 80% daıyn, komıssııa músheleri úleskerlerge «Arabı-1» TK qurylysyn bitirý jáne nysandy tapsyrý úshin qurylǵan TQK paıdasyna berý týraly sotqa talap-aryz berýdi usyndy. Qazirgi kezde «Arabı-1» úleskerleri qalalyq prokýratýraǵa bergen shaǵym berý týraly ótinish qaralý ústinde.
«Arabı-2» jáne «Samal» nysandarynyń qurylysy áli bastalmaǵan. Bul rette qala ákimdigimen jerdi paıdalaný quqyǵyn jalǵastyrý máselesi sheshildi jáne jer ýchaskesi «Samal» TK úleskerlerine óz betinshe qurylysty aıaqtaý úshin berildi. Másele vedomstvoaralyq komıssııanyń turaqty baqylaýyna alyndy jáne qaraýynda bolady. Jańa salýshy-ınvestor («Maır-7» JShS) kelisimder jasaý boıynsha TQK kelissózder júrgizýde.
«Aq shańyraq-2» TK («Praıs Astana» JShS) salý qarqyny tómen. Nysannyń qurylysyn aıaqtaýdyń josparlanǵan merzimi - ú.j. jeltoqsan aıy. Salýshy adamdardy turǵyn úı keshenine óz betinshe qonystandyrǵany úshin jaýapkershilik júkteletini týraly eskertildi.
Vedomstvoaralyq komıssııanyń jumysynyń qorytyndysy jáne onyń usynystary boıynsha «Terrıtorııa komforta-1» TK Astana qalasynyń ákimdiginen nysandy jobalaýǵa ruqsat berildi. «KazInvestKonstrakshnGrýpp» JShS «TK.1-Astana» TQK birlesip ruqsat qujattaryn rásimdeý jumystaryn qolǵa aldy, sonymen qatar, nysannyń astyndaǵy jer ýchaskesi boıynsha másele sheshilip jatyr, nysannyń eskızdik jobasy kelisildi. «Memlekettik saraptama» RMK jobany qarap, eskertýlerdi joıý úshin qaıtaryp berdi.
«Future Home Astana» TK jáne «Esil EK» TK qurylysy tutastaı keshenderdiń jumys jobalarynyń saraptamasy bolmaǵandyqtan toqtatylyp qoıyldy, qazirgi kezde saraptama qajetti kelisýden ótkizilip jatyr. Paıshylardyń ótinishimen TK salý merzimin sozý máselesi VAKtyń turaqty baqylaýyna alynyp, salýshy apta saıyn esep berip turady.
Komıssııa músheleri salýshyǵa TK qurylysyna jumsaǵan qarjynyń shyǵynyn rastaıtyn qujattardy usynýdy surady. Turǵyn úıler qurylǵan TQK arqyly satylǵan, al ruqsat qujattamasy men jer ýchaskesi salýshynyń atyna rásimdelgen, qazirgi kezde jer ýchaskesin TQK menshigine qaıta rásimdeý jumystary qolǵa alyndy.
Otyrysqa qatysýshylar «Atlant Injınırıng» JShS nysandaryn da talqylady, atap aıtqanda, «Magıstralnyı» TK, 3-shi kezek («Birlik» TK), «Rýh» TK («Jas Otaý» TK) jáne «Dostýpnye kvadraty» JShS-nyń «Pana» TK («Molodaıa semıa» TK) nysany.
Salýshyǵa qatysty qylmystyq is qozǵaldy, onyń aıasynda alaıaqtyq faktisi boıynsha sotqa deıingi tekserý jumystary júrgizilip jatyr. Salýshyǵa páterlerdi zańsyz satqany jáne nysandarda óz betinshe qurylys júrgizgeni úshin jaýapkershilik júkteletini týraly eskertildi.
«Magıstralnyı TK, 3-kezek» nysanynda parkıngi bar eki 18 qabatty blok salyndy, úshinshi blok boıynsha «0» deńgeıinde jumystar tıisti ruqsat qujattarynsyz júrgizilgen. Qazirgi kezde jumys jobasynyń saraptamasy alyndy. Eki blok boıynsha qurylys-montajdaý jumystarynyń qorytyndysy boıynsha salýshy zańnamany belden basyp, ınvestorlardy qonystandyrǵan.
Sonymen qatar, tehnıkalyq tekserýlerdiń nátıjesinde QNjE talaptaryn óreskel buzý jaǵdaılary tirkeldi. Salýshy konstrýktsııalardy kúsheıtý jumystaryn júrgizip jatyr. Onyń ruqsat qujattamasy talaptarǵa saı emes, bul nysandy zańdy túrde paıdalanýǵa qabyldaýǵa jáne úshinshi blok boıynsha jumystardy jalǵastyrýǵa jol bermeıdi.
«Rýh» jáne «Pana» nysandary boıynsha ruqsat qujattary bar, biraq qarjylandyrý bolmaǵandyqtan qurylys jumystary júrgizilmeıdi. Nysandar VAK-tyń turaqty baqylaýyna alyndy.
«AstanaVipProjekt» JShS nysandary boıynsha komıssııa «Sem palat» TK ınvestorlarynan qasbetti árleýdiń bekitilgen jobaǵa saı kelmeıtini týraly ótinish jáne Sáýlet jáne qala qurylysy basqarmasynan jobalyq qujattamanyń qasbettik bóligin túzetýdi kelispeýi týraly ótinish qabyldandy. Salýshy turǵyn úı kesheniniń qasbetin bekitilgen jobalyq qujattamaǵa sáıkestendirý nemese qasbetti túzetýdi kelisý týraly sharalar qabyldamaǵan.
«Altyn Sapa» JShS «Zere» jáne «Zere-2» TK qurylys-montajdaý jumystaryn múldem júrgizip jatqan joq. Qala ákimdigi janyndaǵy VAK otyrysynyń aqsha qarajatyn tóleý boıynsha usynystary oryndalmaýda. Kezdesý barysynda salýshy 480, 0 mln. teńge kóleminde qarjynyń túskendigi jáne ú.j. 22 tamyzynan bastap ınvestorlarǵa qarjy qaıtarylyp jatqany týraly málimdedi. «Altyn Sapa» JShS dırektory D. Ahmedııarovqa «Zere-2» TK boıynsha qurylysty aıaqtaý merzimi kórsetilgen kesteni usyný tapsyryldy. Aıta keteıik, buǵan deıin VAK úleskerlerge qalalyq prokýratýraǵa talap-aryz berý týraly ótinish berý úshin TQK qurýdy usynǵan bolatyn.
Vedomstvoaralyq komıssııanyń otyrystary Astana qalasynyń ákimdiginde apta saıyn salýshylar men bastamashylar toptarynyń ókilderiniń qatysýymen ótedi. Barlyq nysandar VAK baqylaýyna alyndy.