Astanada vedomstvoaralyq oqý-jattyǵýǵa baılanysty qozǵalys shekteledi
ASTANA. KAZINFORM — Elordada vedomstvoaralyq arnaıy-taktıkalyq oqý-jattyǵý ótedi, dep habarlaıdy QR Memlekettik kúzet qyzmeti.
21 maýsym kúni saǵat 08:00-den 15:00-ge deıin Astanadaǵy №1 ındýstrıaldy park aýmaǵynda kúzetiletin tulǵalardyń qaýipsizdigin qamtamasyz etýge baǵyttalǵan vedomstvoaralyq keshendi arnaıy-taktıkalyq oqý-jattyǵý uıymdastyrylady.
— Іs-shara barysynda Indýstrıaldy park aýmaǵynda kólik quraldary men jaıaý júrginshiler qozǵalysyna ýaqytsha shekteýler engiziledi. Osyǵan baılanysty qala turǵyndary men qonaqtarynan oqý-jattyǵýǵa túsinistikpen qaraý, quqyq qorǵaý organdary qyzmetkerleriniń zańdy talaptaryn oryndaý, tek resmı aqparat kózderine súıený jáne jalǵan aqparat taratpaý suralady, — delingen habarlamada.
Buǵan deıin 20-21 maýsym kúnderi Astanada qaıda barýǵa bolatynyn jazǵanbyz.
