Astanada vaınerler festıvali bastaldy
ASTANA. QazAqparat - 15 qazanda Astanada iri «AstanaVineFest» vaınerler festıvali bastaldy, dep habarlaıdy elorda ákimdiginiń resmı saıty.
Festıvaldi Qoǵamdyq damý isteri basqarmasynyń qoldaýymen jastardy turaqty damytý jáne áleýmettik qoǵamdyq qory uıymdastyrdy. Shara tanymal jáne jańadan bastaýshy vaınerlerdi biriktirip, jastardyń shyǵarmashylyq áleýetin iske asyratyn áleýmettik-mádenı alańǵa aınalady dep kútilýde.
Festıvaldiń maqsaty - eldegi kreatıv jastardy qoldaý, jastardyń áleýmettik belsendiligin damytý jáne jastar arasynda «Rýhanı jańǵyrýdyń» qundylyǵyn tanymal etý.
«Básekeli festıval 2 týrdan turady. Birinshi týrǵa qatysýǵa ótinishter 15-nen 31 qazanǵa deıin jalǵasady. Qatysýshylar sýyryp salma taqyryptarǵa vaın túsirýi qajet. Negizgi krıterıı - Instagramda jazylýshylar sany 3 myńnan kem bolmaýy kerek», - dep habarlady festıvaldi uıymdastyrýshylar.
Úzdik beınerolıkter 31 qazannan 2 qarasha aralyǵynda konkýrstyń komıssııasynan ekinshi týrǵa ótedi, onyń quramynda Nurlan Batyrov, «Kartop.tv», «XaXaShow», «Tjokers» syndy juldyzdy vaınerler bar.
Ádilqazylar múshesi 20 vaındy tańdaıdy, avtorlarǵa berilgen taqyrypqa qaraı sýyryp salma rolık daıyndaýǵa kómektesedi. Fınaldyq týrdyń jeńimpazdaryn festıvaldiń kontserttik jalǵasynda usynady.
Júlde qory 1 oryn úshin 350 myń teńge, 2 oryn - 250 myń teńge jáne 3 oryn - 150 myń teńge.
