Astanada vandaldar «jyly» aıaldamalardy búldirgen
ASTANA. QazAqparat - Astana qalasynyń Jolaýshylar kóligi basqarmasy «jyly» aıaldamalardyń buzylýyna vandaldar aıypty ekenin aıtyp otyr, dep habarlaıdy «QazAqparat» HAA tilshisi.
«Aıaldama pavılondarynyń zaqymdanýyna kóp jaǵdaıda vandaldyq áreketter sebep bolady. Ókinishke qaraı, kóp adamdar qoǵamdyq menshikke atústi qaraıdy. Vandaldar kúnde aıaldamalardyń aınasyn, oryndyqtaryn syndyrady, habarlandyrýlar jabystyryp ketedi. Sotqarlar óziniń de, ózgeniń de menshigin syılamaıdy. Keı turǵyndar aıaldama janynda turǵan qoqys jáshigine emes, aıaldamaǵa qoqys tastap ketedi. Al qoqys jáshikterin aıaldamanyń ishine qoıýıaǵa taǵy bolmaıdy», - dep jaýap berdi vedomstvodaǵylar redaktsııanyń saýalyna.
Budan tys, adamdardyń aıaldama pavılondaryna qoný jaǵdaılary da jıi kezdesedi. «Qıyn ómirlik jaǵdaıǵa tap bolǵan adamdar keıde aıaldamaǵa qonýǵa májbúr bolyp jatady. Basqarma ondaı adamdarǵa qatysty eshteńe isteı almaıdy. Aıaldamany maqsatqa saı emes paıdalaný jaǵdaılary anyqtalsa, quqyq qorǵaý organdaryna ol jaıly aqparat berilip, shara qoldaný týraly hat jiberiledi», - deıdi basqarmadaǵylar.
Vedomstvodaǵylardyń aıtýynsha, aıaldamalar apta saıyn tazalanady, jóndeledi.
