Astanada valıýta aıyrbastaý pýnktine qaraqshylyq shabýyl jasaǵan kúdikti ustaldy
ASTANA. QazAqparat - Elordadaǵy «Baılyq Finance» valıýta aıyrbastaý pýnktine qaraqshylyq shabýyl jasaǵan kúdiktini polıtsııa qyzmetkerleri táýlik ishinde qolǵa túsirdi, dep habarlady Astana ІІD baspasóz qyzmetinen.
17 tamyzdy tańǵy saǵat 6-da oryn alǵan Respýblıka dańyǵyly boıynda ornalasqan «Baılyq Finance» valıýta aıyrbastaý pýnktine qaraqshylyq shabýyldaý faktisi boıynsha jedel-izdestirý sharalaryn júrgizý barysynda 22 jastaǵy Aqmola oblysynyń turǵyny ustaldy.
Polıtsııa qyzmetkerleri QR QK «Qaraqshylyq» baby boıynsha sot aldy tergeýin júrgizýde. Qazirgi ýaqytta tergeý amaldary júrgizilýde. Kúdikti dáleldi aıǵaqtar berdi. Kúdikti ýaqytsha ustaý oqshaýlaǵyshyna qamaldy.
