Astanada vagondy panalaǵan kóp balaly otbasyna qaıyrymdylyq kómek kórsetildi - BǴM
ASTANA. QazAqparat - 3 balasymen bir jylǵa jýyq vagondy panalap jatqan Altynaı Janmýrzınanyń jaǵdaıyna Bilim jáne ǵylym mınıstrligi beıjaı qaraı almaı, «Mektepke jol» qaıyrymdylyq aktsııa boıynsha kómek kórsetýdi uıǵardy, dep habarlady vedomstvo baspasóz qyzmetinen.
Bir otbasynyń jalǵyz asyraýshysy Altynaı Janmýrzına Eýrazııa ýnıversıtetinde eden jýýshy bolyp jumys isteıdi. Ol turmystyq jaǵdaıynyń nasharlyǵyn aıtyp, balalaryna jańa oqý jylynda mektep formasy men mektepke qajetti oqý quraldaryn alýǵa shamasy kelmeıtinin jetkizdi. Osy habar BAQ-ta 2014 jyldyń 19 tamyzynda shyqqannan keıin Bilim jáne ǵylym mınıstrligi onyń qıyn jaǵdaıǵa beıjaı qaraı almaı, «Mektepke jol» qaıyrymdylyq aktsııa boıynsha kómek kórsetti.
Bilim jane ǵylym mınıstrliginiń ókilderi joqshylyq azabyn tartqan búldirshinderge mektepke qajetti oqý quraldary, sómke men aqshalaı kómek jasady. Sondaı-aq, jalǵyzbasty ana men onyń 3 balasyna jatahanadan bólme alyp berýge sheshim qabyldandy.
