Astanada V. Kýrılov pen Sh. Shaqaıdyń fotokórmeleri ashylady
ASTANA. 15 qarasha. QazAqparat - Astanadaǵy Táýelsizdik saraıynda fotosýretshiler Vladımır Kýrılovtyń «Astana - Elbasynyń erligi» jáne Shúkir Shahaıdyń «Eli súıgen, elin súıgen Elbasy» kórmeleri ótedi.
Qos kórme Qazaqstan respýblıkasy Tuńǵysh Prezıdenti kúnine oraılastyrylǵan.
Uıymdastyrýshylardyń aıtýynsha, belgili fotosýretshi V. Kýrılovtyń kórmesi 16 qarashada 18:00-de ashylyp, 5 jeltoqsanǵa deıin jalǵasady.
Kórmege fotosýretshiniń 150-den astam sýretteri qoıylady. Ol jas astananyń damý kezeńderindegi erekshe sátterdi der kezinde túsire bilgen azdaǵan sýretshilerdiń biri. Onyń jumystary arasynda Aqorda, Báıterek, Beıbitshilik jáne Kelisim saraıy, Han shatyr sııaqty kórikti ǵımarattar ár qyrynan kórsetiledi. Kórmede sondaı-aq túngi qala tylsymy da tartý etiledi.
Al tanymal fotosýretshi Shúkir Shahaıdyń kórmesi 27 qarasha men 6 jeltoqsan aralyǵynda ótedi. Tusaýkeseri 27 qarasha kúni 18:00-ge josparlanyp otyr. Sh. Shahaıdyń «Qazaqstan», «Qasym Qaısenov», «Túrkistan», «Qazaqtyń kıiz úıi» jáne taǵy basqa kóptegen fotojınaqtary jaryq kórgen.
Bul kórmege Elbasynyń ant qabyldaý sáti, memlekettik rámizderdi qabyldaý, sondaı-aq Prezıdenttiń tól týyndysy Astana qalasynyń damý tarıhynan syr shertetin sýretter jıyntyǵy qoıylady.
