Astanada «V halyqaralyq «Qulanshy» óner forýmy ashyldy
ASTANA. 18 qarasha. QazAqparat /Jasulan Amanbaıuly/ - Astanada «V halyqaralyq «Qulanshy» óner forýmy ashyldy. Art-forýmǵa Brazılııa, Ońtústik Koreıa, AQSh, Germanııa jáne Qazaqstan elderiniń tanymal fotosýretshileri men qylqalam sheberleri qatysýda.
«Qulanshy» qazirgi óner ortalyǵynyń jetekshisi Leıla Mahattyń aıtýynsha, «Qulanshy» mereıtoılyq forýmynyń halyqaralyq óner ıelerin Eýrazııanyń qaq ortasyna jınaýy teginnen tegin emes. Sebebi osy jyldar ishinde «Qulanshy» qazirgi zaman ortalyǵynyń bastamasymen Astana qalasynda otandyq óner ókilderiniń týyndylarynan bólek, sheteldik qylqalam sheberleriniń, fotosýretshileriniń, músinshileriniń, rejısserleriniń shyǵarmalary qoıylǵan.
«Bıylǵy jylǵy forým burynǵylardan ózgerek. Sebebi, ol jahandanýdyń bir kórinisi ispettes. Bizdiń qazaqstandyq fotosýretshiler keremet ári biregeı fotosýretterdi túsirý úshin Tokıoǵa, Iordanııaǵa, AQSh-qa, Túrkııaǵa bardy. Brazılııalyq fotosýretshiler Almatyǵa kelip, kók bazaryn, Medeý shatqaldaryn túsirip alyp jatty. Amerıkalyq sýretshi bolsa, Astanaǵa kelip, bas aınaldyrar peızajdardy jáne basqa da tamasha týyndylarynyń serııasyn dúnıege ákeldi»,- deıdi ol.
Mádenı shara erteń «Rıksos» qonaqúıinde jalǵasyn tabady.
