Astanada ujymdyq eńbek daýlarynyń quqyqtyq máseleleri talqylanýda
ALMATY. 20 qarasha. QazAqparat - Búgin Astanada «Ujymdyq eńbek daýlarynyń quqyqtyq máseleleri» atty konferentsııa ótýde.
Qazaqstan kommýnıstik halyq partııasy uıymdastyrǵan bul sharanyń basty maqsaty «Eńbek kodeksine» túzetýler engizýge naqty usynystar jasaý jáne «Áleýmettik seriktestik týraly» zań jobasyn qabyldaý bolyp otyr. Onyń jumysyna QR Parlamenti Májilisiniń depýtattary, táýelsiz kásipodaqtar jáne saraptamalyq birlestikterdiń ókilderi qatysty. Bul máseledegi partııanyń basty ustanymdarynyń biri - áleýmettik ádilettilik jáne eńbekshilerdiń laıyqty eńbek etý quqyǵyn qorǵaý. Sondyqtan olar bul sharany uıymdastyrýǵa uıytqy bolyp qana qoımaı, kásipodaqtardyń jumysyna belsene qatysyp, áleýmettik múddelerin qorǵaý úshin kúrestiń jandanýyna yqpal etpek.
