Astanada ujymdastyrý qurbandaryna arnalǵan eskertkish ornatylady

Bul týraly búgin «1930 jyldary KSRO-daǵy «Asharshylyq» pen «Terrordyń» aýqymdylyǵy men yqpalyn túsindirýdegi jańa kózqarastar» atty «dóńgelek ústelge» baılanysty jýrnalısterge bergen suhbatynda Bilim jáne ǵylym mınıstrligi Memleket tarıhy ınstıtýtynyń dırektory Búrkitbaı Aıaǵan málim etti.

Instıtýt basshysynyń aıtýynsha, Qazaqstandaǵy ashtyq týraly zertteýdi ásirese, batys ǵalymdary erterek ári tereńirek qaýzaǵan.  Al «dóńgelek ústeldiń» maqsaty osyndaı aýqymdy zertteýlerdi saralaı otyryp, jumysty odan ári jańǵyrtyp júıeleý.  Sonymen qatar,  halyqaralyq «dóńgelek ústel» jıynynyń taqyryby HH ǵasyrdyń 30 jyldary basynda mıllıondaǵan qazaqstandyqtyń ómirin qurban etken qasiretti oqıǵanyń 80 jyldyǵyna arnalady.

«Jalpy Qazaqstan men KSRO-da oryn alǵan 1928-1933 jyldardaǵy asharshylyqtyń shyńy 1932 jylǵa keledi. Osyǵan oraı, Memleket basshysynyń tapsyrmasyna sáıkes Astanada ujymdastyrý qurbandaryna arnalǵan eskertkish ornatylady. Biz jaqynda osy eskertkishtiń jobasyn maquldadyq. Asharshylyqtyń 80 jyldyǵyna oraı osy eskertkish elordada boı kótermek», - dedi Búrkitbaı Aıaǵan.