Astanada «Úzdik pedagog-2026» baıqaýyna qujat qabyldaý bastalady
ASTANA. KAZINFORM — 14 qyrkúıekte Astanada «Úzdik pedagog-2026» respýblıkalyq baıqaýynyń qalalyq kezeńi bastalady. Baıqaýǵa keminde bes jyl úzdiksiz pedagogıkalyq ótili bar elordalyq ustazdar qatysa alady, dep habarlaıdy elorda ákimdiginiń resmı saıty.
Konkýrsqa qujattar 14-16 qyrkúıek aralyǵynda qabyldanady.
Konkýrsqa mektepke deıingi, orta, arnaıy, mamandandyrylǵan, qosymsha jáne tehnıkalyq jáne kásiptik bilim berý uıymdarynyń menshik nysanyna jáne vedomstvolyq baǵynystylyǵyna qaramastan shtattaǵy pedagogteri qatysa alady. «Úzdik pedagog» ataǵyna bilim berý uıymdarynda jumys isteıtin jáne qujattardy tapsyrý kezinde keminde bes jyl úzdiksiz pedagogıkalyq ótili bar pedagogter úmitker bola alady.
Konkýrs aıasynda pedagogtyń bilim salasyn damytýǵa qosqan úlesi, ustaz qyzmetiniń tıimdiligi men onyń kásibı sheberligi eskeriledi. Konkýrstyń barlyq kezeńi, ıaǵnı qatysýshylardy tirkeýden bastap respýblıkalyq kezeńiniń qorytyndysyn shyǵarýǵa deıin tolyǵymen tsıfrlandyrylǵan.
«Úzdik pedagog» konkýrsyna qujattardy saıt arqyly júkteı alady (atalǵan silteme 14 qyrkúıekten bastap ashylady).
Al 17-21 qyrkúıek aralyǵynda qalalyq komıssııa músheleri pedagogterdiń materıaldaryn qarastyryp, konkýrstyń qorytyndysyn shyǵarady.
Eń joǵary ball jınaǵan 10 pedagog qalalyq kezeńniń jeńimpazy dep tanylyp, konkýrstyń respýblıkalyq kezeńine qatysýǵa múmkindik alady.
Budan buryn ІІM jańa oqý jyly qarsańynda ata-analar men ustazdarǵa úndeý jasaǵanyn jazǵan edik.
