Astanada úzdik jas otbasylar anyqtalady
ASTANA. QazAqparat - Astana qalasynyń jas otbasylary arasynda «Úzdik jas otbasy» baıqaýy jarııalandy, dep habarlaıdy QazAqparat.
Elorda ákimdiginiń resmı saıtynda málim etilgendeı, baıqaýdy Astana qalasynyń qoǵamdyq damý isteri basqarmasynyń tapsyrysy boıynsha «Jas Ulan» balalar-jasóspirimder uıymy uıymdastyrýda.
Baıqaýǵa qatysý úshin úmitkerler irikteýdiń 2 kezeńinen ótýi qajet. Qatysýshylar birinshi kezeńde óz otbasy jaıynda «Otbasy - baqyt mekeni» taqyrybynda esse jazyp, ony astana.otbasy@gmail.com elektrondyq poshtasyna joldaýy tıis. Jumystar 12 qazanǵa deıin qabyldanady.
Baıqaýdyń ekinshi - qorytyndy kezeńine 10 otbasy shaqyrylatyn bolady. Ol 20 qazan kúni Oqýshylar saraıynda ótedi. Baıqaýdyń júlde qory - 800 myń teńge.
Barlyq qyzyqtyrǵan suraqtardy @astana.otbasy akkaýntynyń Instagram paraqshasyna jazýǵa bolady. Baıqaý erejesi jáne ótinimdi toltyrý úlgisin www.zhasulan.kz resmı saıtynan kórýge bolady.
