Astanada úzdik jas kásipkerler anyqtaldy
«Atameken» ulttyq palatasy uıymdastyrǵan baıqaýdyń maqsaty - jas kásipkerlerdi anyqtaý men qoldaý, sonymen qatar «Bıznetiń jol kartasy-2020» bıznesti qoldaý men damytýdyń biryńǵaı baǵdarlamasy aıasynda jas kásipkerler qyzmetiniń sátti úlgilerin nasıhattaý.
Atalǵan jobaǵa 16 ben 29 jas aralyǵyndaǵy kásipkerler qatysty. Respýblıkalyq deńgeıde alǵash uıymdastyrylǵan baıqaýǵa barlyq óńirden 51 jumys usynylyp, onyń ishinen úzdik degen 4 joba tańdalynyp alyndy.
Jobalarǵa qoıylatyn basty talap óz kásibin dóńgeletip qana qoımaı, sonymen qatar jumys oryndaryn ashyp, elimizde shaǵyn jáne orta bıznesti damytýdy bolatyndyǵyn dáleldeı alý.
«Bizdiń maqsat - óz isin bastaımyn degen jas kásipkerlerge demeý bolý. Kómek eki turǵyda qarastyrylady. Birinshi, oqytý men bıznes jospar qurýǵa, naryqtyń jaǵdaıyn baǵdarlaı alýǵa úıretý, ekinshi eger kásipkerdiń jobasy shynymende tabys kózi ekendigin dáleldep, ózi ǵana emes basqa adamdardy da jumyspen qamtıtyndaı is bola, onda qarjylaı kómek kórsetý. Búgingi jobaǵa alǵash uıymdastyrylǵanyna qaramastan jumystar kóptep kelip tústi. Keler ýaqytta joba óz jalǵasyn tabady», - dedi «Atameken» UKP-nyń qoǵammen baılanys departamentiniń dırektory Shuǵa Naýryzbaeva.
Respýblıkalyq jas kásipkerler baıqaýynyń jeńimpazdary:
1 oryn - Táńirbergen Esbolov, «Roıal komfort» jasandy rotangtan jasalǵan jıhaz fabrıkasy, (Shymkent qalasy);
2 oryn - Arman Saqyshev, «Dental-Centre» zamanaýı stomatologııasy, (Aqtóbe qalasy);
3 oryn - Eldos Baıalyshbaev, múmkindigi shekteýli jandarǵa arnalǵan sporttyq jáne saýyqtyrý ortalyǵy, (Almaty oblysy, Taldyqorǵan qalasy).
Yntalandyrý júldesi Vıktorııa Voloshına, Zamanaýı tehnologııa boıynsha lazerlik oımalaý arqyly kádesyılar jasaý, (Pavlodar oblysy, Ekibastuz qalasy).
«Mende úılerge jóndeý jumystaryn istep júrgende, óz kásibim bolsa eken degen arman boldy. Keıin jóndeý jumystaryn isteı júrip baıqaǵanym Shymkentte rotangtan jasalǵan jıhazdarǵa suranys kóp. Kóp ýaqyt sozbaı isti bastaý úshin aldymen oqyp, naryqpen tanystym. Odan baıqaǵanym rotang ózi qymbat, ósimdik bizge shetelden keledi, biz jumys jasaı kele jasandy túrin óndirýdi zerttep bildik, sodan jumys bastaldy. Qazirde komandamyzda ózimmen 6 adam bar. Bizdiń kásiptiń taǵy bir artyqshylyǵy ońtústikte kún jyly bolǵandyqtan rotangtan jasalatyn jıhazdarǵa suranys qaı kezde de bolady. Aldaǵy ýaqytta shtatty kóbeıtip, ónimimizdiń barlyq aımaqtarǵa shyǵarý josparda bar», - dedi baıqaýda 1 oryn ıelengen shymkenttik kásipker Táńirbergen Esbolov.
Atalǵan baıqaýdyń bir ereksheligi - baǵdarlama boıynsha qarjylaı emes qoldaýdyń bir nemese birneshe quralyn paıdalanǵan jas kásipkerler úshin ótkizilýi. Júlde qory 600 myń teńgeni quraıdy jáne jyl saıyn ótkizip turý josparlanyp otyr. 