Astanada úzdik jarnama anyqtalady

ASTANA. 20 tamyz. QazAqparat - Elordada Qazaqstan halqy tilderiniń 15-shi qalalyq festıvaliniń aıasynda «Úzdik jarnama» baıqaýy ótedi. Bul týraly astana.kz saıtyna Tilderdi damytý basqarmasynan habarlady.

«Baıqaýǵa qatysý úshin memlekettik jáne orys tilderinde eskız jobalar ázirleý kerek. Baıqaýdyń maqsaty - memlekettik tildi qoldaný aıasyn keńeıtý, til mádenıetin arttyrý, qazaq tilindegi jarnamany saýatty resimdeýge, jańashyldyǵyna jáne kórkemdik oryndalý sheberligine qoldaý kórsetý», - delingen aqparatta.

Baıqaýǵa qatysýshylar 3-5 mınýttyń ishinde qazylar alqasyna ózderiniń eńbekterin (slaıdtar) tanystyryp shyǵady. Ár jumys tańdaǵan taqyrybynyń ózektiligine, mazmunyna jáne tartymdylyǵyna, kreatıvtiligine jáne dızaınerlik resimdeý sheberligine qaraı baǵalanady. Baıqaýǵa qatysý úshin ótinimder 16 qyrkúıekke deıin qabyldanady. Oǵan Astana qalasynda jarnama salasynda qyzmet etetin jeke jáne zańdy tulǵalar qatysa alady. Baıqaý qorytyndysy 18 qyrkúıekte saltanatty marapattaý rásiminde shyǵarylady, baıqaý jeńimpazdary men júldegerlerine dıplomdar men baǵaly syılyqtar tabys etiledi.