Astanada úzdik jabyq aıaldama jobasyna baıqaý jarııalandy
ASTANA. QazAqparat - Astana qalasynyń Jolaýshylar kóligi basqarmasy elordanyń qoǵamdyq kólikteriniń aıaldama pýnktteri úshin jabyq tıpti pavılondardyń sıpaty men dızaın kórinisine ashyq baıqaý jarııalaıdy, dep habarlaıdy qala ákimdiginiń saıty.
Baıqaýǵa osyǵan uqsas obektilerdi jobalaý men dızaınynda tájirbıesi bar barlyq zańdy jáne fızıkalyq tulǵalar jiberiledi.
Jyldyń kez kelgen mezgilinde baǵdarlyq kóliktiń kútý pýnktterinde jolaýshylar úshin qolaıly orta jasaý maqsatynda ekologııalyq taza materıaldar, qaıta qalpyna keltiriletin energııa kózderi, qorshaǵan ortanyń basymdylyqtaryn barynsha qoldaný sııaqty eń aldyńǵy qatarly tehnologııalardy qoldaný arqyly jobalaýdyń turaqty damý qaǵıdasyna negizdelgen kólik ınfraqurylymy sapasynyń, ásemdiginiń jáne fýnktsıonaldyǵynyń joǵarǵy deńgeıin qamtamasyz etý baıqaýdyń negizgi mindeti bolyp tabylady.
Tujyrymdama pavılon qurastyrylymynyń, órnek pen dızaın elementteriniń fýnktsıonaldyq jáne tehnıkalyq sıpatyn, tehnıkalyq jabdyqtar elekmentteriniń biriktirilýin kórsetýi tıis.
Usynylǵan dızaınerlik sheshimniń jobalyq sheshimi, dızaıny jáne ásemdik bezendirilýi Astana qalasy ornalasqan klımattyq jaǵdaılardy eskere otyryp, qalanyń kólik júıesiniń qajettilikteri men muqtajdyqtaryna sáıkes fýnktsıonaldyq talaptaryn qamtamasyz etýi tıis, sondaı-aq qosa berilgen tehnıkalyq tapsyrmaǵa sáıkes kelýi tıis.
Bolashaqta fýnktsıonaldyq sıpattarynyń ulǵaıýy jáne ózgerý múmkindigin eskere otyryp, pavılonnyń qurastyrylym aýdanynyń ulǵaıýyna, sondaı-aq oryn aýystyrýyna múmkindik beretin modýldi bolýy tıis.
Dızaıynnyń stılıstıkasy qalanyń kólik júıesiniń damýyna jáne turǵyndarǵa kórsetiletin qyzmetti ulǵaıtýǵa sáıkes bolashaqta qosymsha ózgerister men jaqsartýlardy iske asyrý múmkindikterimen tujyrymdamanyń barlyq bólshekteri men jasaqtamalarynda jalpy dızaınerlik jelini saqatýy tıis.
Paıdalanýdyń qarapaıymdylyǵy, qol jetimdiligi, júrginshiniń/jolaýshynyń qaýipsizdigi, qolaılylyǵy, modýldik jáne qyzmet kórsetýdiń qarapaıymdylyǵy jabyq tıpti pavılondy ázirleý úshin negizgi fýnktsıonaldyq qaǵıdalar bolýy tıis.
Qurastyrýdyń qarapaıymdylyǵy jáne qyzmet kórsetý pavılon dızaınynyń jáne materıaldardy tańdaýdyń negizgi faktorlary bolýy tıis. Pavılondardyń tıptik ornalastyrylýy jolaýshylar aǵynynyń erekshelikterin eskere otyryp sımmetrııaly, múgedekter arbasynda otyrǵan adamnyń paıdalanýy úshin qol jetimdi bolýy tıis. Júıeniń jaryqtandyrylýy men ınterfeısi dızaınǵa biriktirilýi tıis jáne qyzmet kórsetý úshin ońaı qol jetimdi bolýy tıis.
Tańdaý jáne bekitý nátıjeleri boıynsha, jabyq tıpti pavılonnyń tańdalǵan tujyrymdamasy pavılon túpnusqasyn óndirýdiń jáne ázirleýdiń keıingi jospary úshin, sodan keıin olardy Astana qalasynyń baǵdarlyq jelisinde ornatý boıynsha memlekettik-jeke áriptestiktiń kómegimen serııalyq óndirýdiń negizi bolady.
Joba synamalyq túpnusqadan serııalyq óndirýge deıin damıtyn bolǵandyqtan, sońǵy nusqada baǵdarlamalar men tehnıkalyq bólshekter ózgerýi múmkin.
Beriletin qujattama ólshemderi kórsetilgen dızaın-tujyrymdama men syzbalardan, ár túrli qyrynyń 3D-túrinen, jasaqtamaly elementterdiń, materıaldar men júıeler sıpattarynyń tehnıkalyq sıpattamasynan turýy tıis.
Baıqaýǵa beriletin ótinishter 10 kúntizbelik kún ishinde Astana qalasy, Beıbitshilik kóshesi, 11. Astana qalasy ákimdiginiń ǵımaraty, 544 kabınetinde qabyldanaldy.
