Astanada úzdik otbasy anyqtaldy
«Mereıli otbasy» ulttyq baıqaýy Qazaqstanda 2013 jyldan beri jyl saıyn ótkizilip keledi.
«Bıyl 210 otbasy konkýrsqa qatysý úshin qujattar tapsyrdy, bul elordadaǵy «Mereıli otbasy» baıqaýynyń absolıýtti rekordy. Otbasylyq qundylyqtardy durys qalyptastyrý, balalardy patrıotızm men jalpyadamzattyq qundylyqtar rýhynda tárbıeleý – árbir otbasynyń basty mindeti. Ol adamgershilik qundylyqtardy jandandyrýǵa jáne otbasy mártebesin kóterýge baǵyttalǵan. Ákimdik osy baǵyttaǵy barlyq bastamalardy qoldaıdy. Otbasy ınstıtýtyn qoldaýdyń saıasaty aldaǵy ýaqytta da óz jemisin beretinine senimdimin», – dedi Astana ákiminiń orynbasary Eset Baıken.
Baıqaý jeńimpazy – kópbalaly Sádýaqasovtar otbasy. Endi olar respýblıkalyq birinshilikke daıyndyqqa kirisedi.
«Men kópbalaly anamyn. Bir kezderi elordaǵa Qarqaraly qalasynan keldik. 60 jyl jubaıymmen birge turdym. Otbasymyzben kez kelgen merekede bas qosamyz. Barlyq merekeni birge atap ótemiz», - dedi Tıshjan Sádýaqasova.
80 jastaǵy «Altyn alqa» ıegeri joldasymen birge 12 bala – 6 ul jáne 6 qyz tárbıelep ósirdi. Olardyń árqaısysy óz qyzmet salasynda jetistikterge jetken. Sol sııaqty sporttaǵy, qoǵamdyq jáne shyǵarmashylyq jumystardaǵy, konkýrstardaǵy belsendiligi úshin marapattarǵa ıe bolǵan.
