Astanada úzdik nátıjeleri úshin Olımpıadalyq daıarlaý ortalyǵynyń sportshylary marapattaldy
ASTANA. QazAqparat - Astana qalasyndaǵy Olımpıadalyq daıarlaý ortalyǵynda 2015 jyly halyqaralyq jarystarda úzdik nátıje kórsetken sportshylardy marapattaý rásimi ótti. Nagradalardy atalǵan ortalyq dırektory Qanat Jurqaev tabystady.
Atap aıtqanda, sınhrondy júzý bóliminiń sportshylary Ekaterına Sımonova men Djenıfer Rýsanova marapattaldy. Bul jas sportshylar Taılandta ótken Azııa chempıonatynda úzdik nátıje kórsetti. Osy oraıda olarǵa estelik syılyqtar jáne bas demeýshi «Stroıklass» qurylys kompanııasy atanyn 300 myń teńgelik sertıfıkattar tabystaldy. Sporttyq sheberliginiń turaqty ósimi men negizgi halyqaralyq jarystardaǵy nátıjeleri úshin 2015 jyldyń qorytyndysy boıynsha úzdik sportshylar retinde akademııalyq esý bóliminiń sportshylary, Azııanyń eki dúrkin chempıondary Egor Rychenko men Aleksandr ıÝrov tanyldy. Olarǵa da búgingi marapattaý sharasynda estelik syılyqtar men 500 myń teńgeniń sertıfıkattary tapsyryldy. Munymen qosa, jemisti jumystary úshin QR Mádenıet jáne sport mınıstrligi Sport jáne dene shynyqtyrý isteri komıtetiniń alǵys hattarymen sporttyń barlyq túrleri boıynsha bólimderdiń bapkerleri marapattaldy. Jalpy atalǵan Ortalyqtyń sportshylary bıyl Azııa chempıonattarynda 11 altyn, 11 kúmis jáne 3 qola medaldi jeńip aldy.
