Astanada úzdik memlekettik qyzmetshiler marapattaldy
ASTANA. QazAqparat - Astana qalasy ákimdiginiń ǵımaratynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalasy boıynsha departamentiniń muryndyq bolýymen Memlekettik qyzmetshiler kúnine arnalǵan saltanatty shara ótti.
Merekelik sharada «Qazaqstan Respýblıkasy úzdik memlekettik qyzmetkeri» respýblıkalyq konkýrsyna belsendi túrde qatysyp jáne elimizdiń turaqty damýy men memlekettik qyzmet bedelin kóterýge qosyp júrgen úlesi úshin birqatar memlekettik organdar qyzmetshilerine Agenttik tóraǵasynyń marapattaýlary tabys etildi.
Marapattalǵandar ishinde Astana qalasy Іshki saıasat basqarmasynyń basshysy Erlan Kanalımov, Esil aýdany ákimi apparatynyń bólim basshysy Rýslanbek Koıbakov, Astana qalasy Memlekettik sáýlet-qurylys baqylaýy basqarmasynyń basshysy Tólegen Qulushev, Astana qalasy Memlekettik sáýlet-qurylys baqylaýy basqarmasynyń bólim basshysy Samal Kúlbatyrova, sondaı-aq Agenttiktiń Alǵys hatymen Astana qalasynyń Mádenıet, muraǵattar jáne qujattama basqarmasynyń basshysy Bolat Majaǵulov, Astana qalasynyń Ekonomıka jáne bıýdjettik josparlaý basqarmasynyń bólim basshysy Dınara Omarova, Astana qalasynyń Energetıka basqarmasynyń bólim basshysy Maqsat Esmaǵulov, Astana qalasynyń Energetıka basqarmasynyń basshysy Baqtybek Japaev marapattaldy.
Atap óteıik, Qazaqstan Respýblıkasy Prezıdentiniń 2013 jylǵy 20 jeltoqsanyndaǵy №716 Qaýlysymen 23 maýsym memlekettik qyzmetkerler kúni bolyp bekitildi.
Sonymen qatar Agenttiktiń Astana qalasyndaǵy departamentiniń Alǵys hattarymen Astana qalasy ákimdiginiń ókilderinen bólek, ártúrli memlekettik qurylymdardyń 34 qyzmetkeri marapattaldy.
